ޣައްޒާގެ އުތުރުގައި އިސްރާއީލުން ދިން ވައިގެ ހަމަލާއެއްގައި ހަމާސްގެ ތަރުޖަމާނު އަބްދުލް ލަތީފް އަލް ޤަނޫއާ ޝަހީދުވެފައިވާ ކަމަށް ހަމާސްއާ ގުޅިފައިވާ މީޑިއާތަކުން ބުރާސްފަތި ދުވަހުގެ ފަތިހު ބުނެފިއެވެ.

ހަމާސް ޖަމާއަތުން ހިންގާ އަލް އަޤްޞާ ޓީވީން ބުނީ ޤަނޫއާ ޝަހީދުކޮށްލާފައިވަނީ ޖަބަލިއާގައި އޭނާގެ ޓެންޓަށް އަމާޒުކޮށް ދިން ހަމަލާއެއްގައި ކަމަށެވެ. ހަމަ އެ ހަމަލާގައި އެތައް ބަޔަކު ޒަހަމްވެފައިވާއިރު، ވަކިވަކިން ދިން ހަމަލާތަކުގައި ޣައްޒާ ސިޓީގައި ހަ މީހުން އަދި ދެކުނު ޣައްޒާގެ ޚާން ޔުނިސްގައި އެކަކު ޝަހީދުކޮށްލާފައިވާ ކަމަށް މެޑިކަލް އޮފިޝަލުން ބުނެއެވެ.

ހަމާސްގެ ސިޔާސީ އޮފީހުގެ މެމްބަރެއް ކަމަށްވާ އިސްމާއިލް ބަރްހޫމާއި އިތުރު އިސް ލީޑަރެއް ކަމަށްވާ ސަލާހު އަލް ބަރްދަވީލް މި ހަފުތާގެ ކުރީކޮޅު އިސްރާއީލުން ވަނީ ޝަހީދުކޮށްލާފަ އެވެ.

ހަމާސްގެ މަސްދަރުތަކުން ބުނާ ގޮތުގައި ބަރްދަވީލާއި ބަރްހޫމް އަކީ ހަމާސްގެ ނިންމުންތައް ނިންމާ 20 މެމްބަރުންގެ ޖަމިއްޔާ، ސިޔާސީ އޮފީހުގެ މެމްބަރުން ކަމަށާއި އޭގެ ތެރެއިން 11 މީހަކު ވަނީ 2023 ވަނަ އަހަރުގެ ފަހުކޮޅު ހަނގުރާމަ ފެށުނު ފަހުން ޝަހީދުކޮށްލާފަ އެވެ.

މިދިޔަ ހަފުތާގައި އިސްރާއީލުން ވަނީ ބޮމުގެ ހަމަލާތަކާއި އެއްގަމު އުޅަނދުތައް އަލުން ފަށައި، ހަމާސް ޖަމާއަތުގެ ބަންދުގައި ތިބި ބާކީ ތިބި މީހުން މިނިވަން ކުރުމަށް ހަމާސްއަށް ޕްރެޝަރު އިތުރުކޮށް، ދެ މަސް ދުވަސް ވަންދެން ހަނގުރާމަ ހުއްޓާލުމަށް ނިންމައިފަ އެވެ.

ޣައްޒާގެ ސިއްހަތާ ބެހޭ ވުޒާރާއިން ބުނީ މިމަހުގެ 18 ވަނަ ދުވަހު އިސްރާއީލުން ޣައްޒާއަށް ދިން ބޮޑެތި އަސްކަރީ ޙަމަލާތައް އަލުން ފެށިފަހުން މިހާތަނަށް 830 މީހުން ޝަހީދުވެފައިވާ ކަމަށާއި އޭގެ ތެރެއިން ދެބައިކުޅަ އެއްބަޔަކީ ކުޑަކުދިންނާއި އަންހެނުންނެވެ.

އިސްރާއީލާއި ހަމާސް އިން ވަނީ އެކަކު އަނެކަކަށް ހަނގުރާމައިގެ އެއްބަސްވުމާ ހިލާފުވެފައިވާ ކަމަށް ތުހުމަތުކޮށްފަ އެވެ. މިދިޔަ ޖެނުއަރީ މަހުން ފެށިގެން އެ ޖަމާއަތުން ވަނީ ޣައްޒާގެ 2.3 މިލިއަން މީހުންނަށް ހަނގުރާމައިން ލުޔެއް ދިނުމަށް ހުށަހަޅައިފަ އެވެ.

އިޒްރޭލުން 2023 ވަނަ އަހަރުގެ އޮކްޓޯބަރު މަހުގެ ހަތްވަނަ ދުވަހު ދިން ހަމަލާގައި އިސްރާއީލުން ހިފެހެއްޓި 250 މީހުންގެ ތެރެއިން 59 މީހުން އަދިވެސް ހިފަހައްޓަމުން އަންނަ ހަމާސް ޖަމާއަތުން ތުހުމަތުކުރާ ގޮތުގައި ހަނގުރާމަ ނިމުމަކަށް ގެނައުމަށް ދާއިމީ އެއްބަސްވުމެއް އެކުލަވާލުމަށް މެދުވެރިޔަކު ކުރާ މަސައްކަތަށް އިސްރާއީލުން ނުރައްކާ ކުރާ ކަމަށެވެ.

އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވިދާޅުވީ ހަމަލާދިނުމަށް އަމުރުކުރެއްވީ ހަމާސް އިން ހަނގުރާމަ ހުއްޓާލުމުގެ މުއްދަތު އިތުރުކުރުމަށް ހުށަހެޅި ހުށަހެޅުންތައް ދޮގުކޮށްފައިވާތީ ކަމަށެވެ. ހަމާސް ޖަމާއަތުން ރަހީނުން ދޫކޮށްނުލައިފިނަމަ ޣައްޒާގެ ސަރަހައްދުތައް ހިފާނެ ކަމުގެ އިންޒާރު އޭނާ ވަނީ ބުދަ ދުވަހު ތަކުރާރުކޮށް ދެއްވާފައެވެ.