ވަޒީފާތަކުގައި ތިބެން ބޭނުންނަމަ ސަރުކާރަށް އެއްބާރުލުން ދޭން މަޖުބޫރުކަމަށް ވިދާޅުވެ ގައްދޫ ދާއިރާގެ މެމްބަރުގެ އިންޒާރެއް
ވޭތުވެދިޔަ ތަނުގައި ޕީއެންސީގެ ހަރަކާތްތަކުގައި ބައިވެރިވެ ހަރަކާތްތަކުގައި އިސްކޮށް އުޅޭ މިންވަރު ދަށްވުމާއި، އަދި އެ މުވައްޒަފުންގެ ފަރާތުން ސަރުކާރަށް އެއްބާރުލުން ދިނުން ދަށްވާކަމަށް ވިދާޅުވި
ގައްދޫ ދާއިރާގެ މަޖިލިސް މެމްބަރު މުޙައްމަދު އަލީ: ވަޒީފާތައް ދީފައިވަނީ ސިޔާސީ ގޮތުން ސަރުކާރަށް ފުރިހަމައަށް އެމްބާރލުން ދިނުމަށް އެއްބަސްވެގެން ކަމަށް ވިދާޅުވި
ސަރުކާރުގެ ކުންފުނިތަކާއި އިދާރާތަކުގެ ވަޒީފާގައި ތިބި މީހުން، އެ މަގާމުތަކުގައި ތިބެން ބޭނުންނަމަ ސަރުކާރަށް އެއްބާރުލުން ދިނުމަކީ މަޖުބޫރު ކަމެއް ކަމަށް ވިދާޅުވެ، ވެރިކަންކުރާ ޕީއެންސީއަށް ނިސްބަތްވާ ރައްޔިތުންގެ މަޖިލީހުގެ ގައްދޫ ދާއިރާގެ މެންބަރު މުޙައްމަދު އަލީ އިންޒާރު ދެއްވައިފި އެވެ.
މެންބަރު މުޙައްމަދު އަލީ މިފަދައިން ވިދާޅުވެފައި ވަނީ ސަރުކާރުގެ ކުންފުނިތަކާއި އިދާރާތަކަށް އައްޔަންކުރި ގައްދޫ ދާއިރާއަށް ނިސްބަތްވާ މުވައްޒަފުން ހިމެނޭ ގްރޫޕަކަށް ފޮނުއްވި މެސެޖުތަކެއްގަ އެވެ.
މެމްބަރު މުޙައްމަދު އަލީ މުވައްޒަފުންގެ މި ގުރޫޕަށް އިންޒާރު ދެއްވައި ފޮނުއްވި މެސެޖުތަކުގެ ސްކްރީންޝޮޓް ތަކެއް ސޯޝަލް މީޑިއާގައި އަންނަނީ ދައުރުވަމުންނެވެ.
އެ ގްރޫޕުގައި މެންބަރު މުޙައްމަދު އަލީ ވަނީ ވޭތުވެދިޔަ ތަނުގައި އެ މީހުން ޕީއެންސީގެ ހަރަކާތްތަކުގައި ބައިވެރިވެ ހަރަކާތްރަކުގައި އިސްކޮށް އުޅޭ މިންވަރު ދަށްވުމާއި، އަދި އެ މުވައްޒަފުންގެ ފަރާތުން ސަރުކާރަށް އެއްބާރުލުން ދިނުން ދަށްވާކަމަށް ވިދާޅުވެ ނުރުހުންވެވަޑައިގެން މެސެޖު ލިޔުއްވާފަ އެވެ.
ބާއްވާ ހަރަކާތްތަކުގެ އިތުރުން ހަރުގެއަށް އައިސް އެއްބައެއްގެ ގޮތުގައި މަސައްކަތް ކޮށް ތިމަންނައަށް ކުރެވޭނީ ކޮންކަމެއްތޯ އަމިއްލަ އިސްނެގުމާއި އެކު ކުރުމަށް ހަގީގަތުގައިވެސް ގިނަމީހުންގެ ފަރާތުން އެއްބާރުލުން ނުފެނޭމެމްބަރު އަޙުމަދު އަލީ ފޮނުވި މެސެޖް
އަދި ގުރޫޕުގައި ތިބި މުވައްޒަފުންނަކީ އަލަށް ވަޒީފާ އަށް ނެގުނު ފަރާތްތަށް ކަމަށާއި މި ވޭތުވެ ދިއަ ދުވަސްތަކުގައި ވަރަށް ކައިރިން އެންމެންގެ ކަންތައްތަށް ވެސް ބަލަމުން ދިއަ ކަމަށެވެ. އަދި މެމްބަރު ކަމަކަށް އެދި ގޮވާލުމުން އެކަމަށް އިޖާބަދޭ މިންވަރު ވެސް ވަރަށް ރަނގަޅަށް ފެނިގެން ގޮސްފައިވާ ކަމަށް މެމްބަރު އަޙުމަދު އަލީގެ މެސެޖުގައި ވަނީ ވިދާޅުވެފައެވެ.
މީގެ އިތުރުން ހުރިހާ ފަރާތްތަކަށް ވެސް ވަޒީފާ ދީފައި ވަނީ ސިޔާސީ ގޮތުންނާއި އެހެނިހެން ގޮތްގޮތުން ސަރުކާރަށް އެއްބާރުލުން ދިނުމަށް އެއްބަސްވެގެން ކަމަށް މުޙައްމަދު އަލީގެ މެސެޖުގައި ވިދާޅުވެފައި ވެއެވެ.
މީގެ އިތުރުން ސަރުކާރުގެ ކަންކަމުގައި އެއްބާރުލުން ނުދެވޭ މީހުން މެންބަރަށް އެކަން އަންގައި ދިނުން އެދޭ ކަމަށާއި ވަޒީފާ ލިބުމުން ގިނަ މީހުންގެ އެއްބާރުލުން ނުލިބޭކަންވެސް އެނާ ފާހަގަ ކުރައްވާފައި އެވެ.
މިކަމަށް އަޅަން ޖެހޭ ފިޔަވަޅު އަޅަން ނިންމި ވާހަކަ ބުނެލަން. ނެތިން އެއްވެސް މީހެއް ކައިރީގަ އަބަދު ބުނެ ކިޔައިގެން ދާކަށްމެމްބަރު އަޙުމަދު އަލީގެ މެސެޖް
މީގެ އިތުރުން
މެންބަރު މުހައްމަދު އަލީ ވަނީ ކޮންމެ އެސްއޯއީ އަކީވެސް ސިޔާސީ މަސައްކަތް ކުރާ ތަންތަން ކަމަށް ވެސް ވިދާޅުވެފަ އެވެ. އަދި ވަޒީފާ ދިން ގިނަ މީހުންނަށް ސޯޝަލް މީޑިއާގައި ޕޯސްޓުކޮށްގެން ސަރުކާރު ޕްރޮމޯޓު ނުކުރެވޭ ކަމަށް އޭނާ ވިދާޅުވި އެވެ.
މިހެން ވިދާޅުވުމަށް ފަހު މެންބަރު ވަނީ ކުރިއަށް އޮތް ތަނުގައި ވަޒީފާ ދޭނީވެސް ސިޔާސީ ގޮތުން އެއްބާރުލުން ދޭ ފަރާތްތަކަށް ކަމަށް ވިދާޅުވެފަ އެވެ.
މުހައްމަދު އަލީގެ އިތުރުން ވެސް ވެރިކަންކުރާ ޕާޓީއަށް ނިސްބަތްވާ މަޖިލިސް މެންބަރުން ސަރުކާރު ކުންފުނިތަކުގެ މުވައްޒަފުންނަށް ވަޒީފާގެ ބިރުދައްކަމުންދާ ކަމުގެ އަޑުތަކެއް ވަނީ ފެތުރިފަ އެވެ.
