މަޝްހޫރު ފުޓުބޯޅަ ކޯޗު ސާންތި ނިޔާވެއްޖެ
ސާންތި ނިޔާވީ ބަލިވެ އުޅުމަށް ފަހު ހޮނިހިރު ދުވަހުގެ ރޭގެ ވަގުތެއްގައި
ފުޓުބޯޅަ ކޯޗު އިހްސާން ޢަބްދުލްޣަނީ (ސާންތި) ނޫސްވެރިންނަށް މައުލޫމާތު ދިނުމުގަ: ސާންތީ ނިޔާވީ ހޮނިހިރު ދުވަހުގެ ރޭގެ ވަގުތެއްގައި
މަޝްހޫރު ފުޓުބޯޅަ ކޯޗު އިހްސާން ޢަބްދުލްޣަނީ (ސާންތި) ނިޔާވެއްޖެއެވެ.
"ރާއްޖެ އެމްވީ" އަށް މައުލޫމާތު ލިބިފައިވާ ގޮތުގައި ސާންތި ނިޔާވީ ހޮނިހިރު ދުވަހުގެ ރޭގެ ވަގުތެއްގައި ޓްރީ ޓޮޕް ހޮސްޕިޓަލުގަ އެވެ.
އެނގިފައިވާ ގޮތުގައި އޭނާ ނިޔާވީ ފާއިތުވި އަހަރެއްހައި ދުވަހު ކެންސަރު ބައްޔަށް ފަރުވާ ހޯއްދަވަމުން ގެންދަވަނިކޮށެވެ.
ސާންތި އަކީ ރާއްޖޭގެ ފުޓުބޯޅައި ގައި ތަޖުރިބާ ކާރު ނަން މަޝްހޫރު ކޯޗެކެވެ. އެގޮތުން އޭނާ ވަނީ ރާއްޖޭގެ އެންމެ މަތީ ފެންވަރުގެ ކުލަބުތަކަށް ވެސް ކޯޗުކަން ކޮށްދީފައެވެ. އޭގެ ތެރޭގައި ކުލަބު އީގަލްސް، ޔުނައިޓެޑް ވިކްޓަރީ ހިމެނެއެވެ. އަދި މީގެ އިތުރުން ރާއްޖޭގެ ޖޫނިއަރ ލެވެލްގައި ގައުމީ ފުޓުބޯޅަ ޓީމަށް ވެސް ސާންތި ވަނީ އިރުޝާދު ދީފައެވެ.
އެންމެ ފަހުން ސާންތި ފެނިފައިވަނީ މީގެ ދެ އަހަރެއްހައި ދުވަސްކުރިން ކްލަބް އީގަލްސްގެ ހެޑް ކޯޗުގެ ގޮތުގައެވެ. ނަމަވެސް އެއިރު ވެސް ސާންތިގެ ސިއްހީ ހާލު ހުރި ގޮތުން އޮޕަރޭޝަނެއް ކުރުމަށް ޓަކައި ވަގުތީ ގޮތުން އެ ކްލަބުގެ ކޯޗުކަން މުހައްމަދު ޝިޔާޒް (މޯހަން) އަށް 2023ވަނަ އަހަރުގެ ޖޫން މަހު ހަވާލުކުރިއެވެ.
ކްލަބު އީގަލްސްގެ ކާމިޔާބީތަކުގެ ފަހަތުގައި އެންމެ ބޮޑު ހިއްސާއެއް އަދާކުރާ އެކަކީ ވެސް ސާންތިއެވެ.
ސާންތީގެ ވަކި ވުމަކީ ދިވެހި ފުޓްބޯޅަ އަށް ލިބުނު ބޮޑު ހިތާމައެއް ކަމަށް ގިނަ ބަޔަކު ދަނީ ބުނަމުންނެވެ. އަދި އެއީ ރާއްޖޭގެ ފުޓުބޯޅައަށް ވެރިވި ބަނަކަމެެއްގެ ގޮތުގައި ވެސް ގިނަ ބަޔަކު ދަނީ ސިފަކުރަމުންނެވެ.
އިހްސާން ޢަބްދުލްޣަނީ (ސާންތި) ގެ މޫނު ދެއްކުން އޮތީ އާދިއްތަ ދުވަހު ހެނދުނު 10:00 އިން ފެށިގެން އިސްލާމީ މަރުކަޒު ގައި ކަމަށް ޚަބަރު ލިބިފައި ވެއެވެ.
