އައްޑޫގައި ސައިކަލަކާއި ޕިކަޕެއް ޖެހި ދެ މީހަކަށް އަނިޔާވެއްޖެ
22 ޖޫން 2017 | ބުރާސްފަތި 14:07ޕިކަޕް ޑްރައިވަރަށް ގެއްލުމެއް ނުވޭ
ހުސެން ފިޔާޒް | 22 ޖޫން 2017 | ބުރާސްފަތި 14:07
އެކްސިޑެންޓްވި ޕިކަޕްގެ ކުރި ހަލާކުވެފައި
އައްޑު ސިޓީ ހިތަދޫ ބޮޑު މަގުގައި ސައިކަލަކާއި ޕިކަޕެއް ޖެހި ދެ މީހަކަށް އަނިޔާވެއްޖެއެވެ.
މަންޒަރު ދުށް މީހަކު ބުނި ގޮތުގައި ބުރާސްފަތި ދުވަހު އިރު އޮއްސުނު ވަގުތު ހިނގި މި އެކްސިޑެންޓްގައި އަނިޔާލިބިފައިވަނީ ސައިކަލްގައި ތިބި ދެ މީހުންނަށެވެ. މި އެކްސިޑެންޓްގައި ޕިކަޕް ޑްރައިވަރަށް އަނިޔާއެއް ނުލިބެއެވެ. ނަމަވެސް އޭނާގެ ޕިކަޕަށް ވަނީ ގެއްލުން ލިބިފައެވެ.
"އެ މީހުންނަށް މާބޮޑެތި އަނިޔާއެއް ލިބިފައެއް ނެތް. އެކަމަކު ގައިގެ އެކި ތަންތަން ހުރީ މަށައިގެން ގޮސްފައި،" މަންޒަރު ދުށް މީހާ ކިޔައިދިނެވެ.
މި އެކްސިޑެންޓްގައި އަނިޔާވި ދެ މީހުންނަށް ހިތަދޫ ހޮސްޕިޓަލްގައި ދަނީ ފަރުވާ ދެމުންނެވެ.
