އެކްސިޑެންޓެއްގައި އިލެކްޝަންސް ކޮމިޝަންގެ މެންބަރު އަކްރަމް އަށް އަނިޔާވެއްޖެ
މި އެކްސިޑެންޓްގައި ތިން މީހަކަށް އެކި ވަރުގެ އަނިޔާތައްވި
މި އެކްސިޑެންޓް ހިނގާފައި ވަނީ، އަލަށް ހެދި އިންޑަސްޓްރިއަލް ވިލެޖްގައި
އިންޑަސްޓްރިއަލް ވިލެޖްގައި ދެ ސައިކަލެއް ޖެހި އެކްސިޑެންޓް ވެއްޖެއެވެ.
މި އެކްސިޑެންޓް ހިނގާފައިވަނީ، ހޮނިހިރުދުވަހުގެ ހަވީރު 17.08 އެހާކަންހާއިރުކަމަށް ފުލުހުން ބުންޏެވެ. އެ ތަނުން އެއް ސައިކަލަކީ އިލެކްޝަންސް ކޮމިޝަންގެ މެންބަރު އަހްމަދު އަކްރަމް އިންނެވި ސައިކަލެވެ.
ފުލުހުން ބުނީ، މި އެކްސިޑެންޓްގައި ތިން މީހަކަށް އެކި ވަރުގެ އަނިޔާތައް ވެގެން ދެމީހަކު އައިޖީއެމްއެޗަށް އަދި އެކަކު އޭޑީކޭއަށް ގެންދެވިފައިވާ ކަމަށެވެ. އަދި ޓްރެފިކް ފުލުހުން އައިޖީއެމްއެޗްގައި މިވަގުތު ހަރަކާތްތެރިވަމުންދާ ކަމަށެވެ. އަދި މި މައްސަލަ މިހާރު ތަހުގީގުކުރަން ފަށާފައިވާ ކަމަށް ފުލުހުން ބުންޏެވެ.
ތިން މީޙުންނަށް ވެސް އެކިވަރުގެ އަނިޔާ ލިބިފައިވީ ނަމަވެސް މާބޮޑު ސީރިއަސް ނޫން ކަމަށް މައުލޫމާތު ލިބިފައި ވެއެވެ.
މި އެކްސިޑެންޓް ހިނގަން މެދުވެރިވި ސަބަބަބު އަދި ސާފުނުވާ ކަމަށް ފުލުހުން ބުންޏެވެ.
