މިރޭގެ މެޗުގައި ރޮނާލްޑޯ 90 މިނެޓު ކުޅޭނެ: ޒިދާން
ރޮނާލްޑޯ މިރޭގެ މެޗުގައި މުހިންމު ދައުރެއް އަދާކުރާނެ.
ރޮނާލްޑޯ: އެންމެ ފަހުން ކުޅުނު ޗެމްޕިއަންސް ލީގު ފައިނަލް މެޗުގެ ތެރެއިން
ރެއާމް މެޑްރިޑާއި އިޓަލީގެ ފިއޮރެންޓީނާ މިރޭ ބައްދަލުކުރާ މެޗުގައި ރެއާލްގެ ތަރި ކްރިސްޓިއާނޯ ރޮނާލްޑޯ 90 މިނެޓު ކުޅޭނެ ކަމަށް ރެއާލްގެ ކޯޗު ޒައިނުއްދީން ޒިދާން ބުނެފިއެވެ.
މިރޭގެ މެޗުގެ ކުރިން ނޫސްވެރިންނާއި ވާހަކަ ދައްކަމުން ޒިދާން ބުނީ މިރޭގެ މެޗަކީ ވެސް މުހިންމު މެޗެއް ކަމަށާއި އެގޮތުން މެޗު ޚާއްޞަ ކަމަށެވެ. ޒިދާން ބުނީ މި މެޗުގެ ޚާއްޞަ ވަނީ މި މެޗުން މޮޅުވެގެން ވެސް ޓްރޮފީއެއް ކާމިޔާބު ކުރެވޭނެ ތީކަމަށެވެ.
މި މެޗަކީ ކޮންމެ އަހަރުވެސް އޮކްޓޫބަރ 23 ގައި ރެއާލްއިން އެހެން ކުލަބުތަކަށް ދައުވަތު ދީގެން ކުޅޭ ޚާއްޞަ ޓްރޮފީމެޗެކެވެ. މި މެޗުން މޮޅުވާ ޓީކަމަށް ޚާޞަ ޓްރޮފީއެއް ލިބިގެން ދާނެއެވެ.
އެހެން ކަމުން މިރޭގެ މެޗާ ބެހޭގޮތުން ވާހަކަ ދައްކަމުން ޒިދާން ބުނީ މިރޭގެ މެޗަކީ ކުޅުންތެރިންގެ ފިޓްނަސް ލެވެލް ރަނގަޅު ކޮށްލަން ލިބޭ ފުރުސަތެއް ކަމަށާއި އެގޮތުން ރޮނާލްޑޯ މިރޭގެ މެޗުގައި ހިމެނުން ވަރަށް މުހިންމު ކަމަށެވެ. އެގޮތުން 90 މިނެޓު ކުޅޭ ރޮނާލްޑޯ މިރޭގެ މެޗުގައި މުހިންމު ދައުރެއް އަދާކުރާނެ ކަމަށް ވެސް ޒިދާން ބުންޏެވެ.
ރޮނާލްޑޯ އަށް މިރޭގެ މެޗުގައި ފުރުސަތު ލިބިގެން ދާއިރު އޭނާ ވަނީ ސްޕެނިޝް ލީގުގެ ހަތަރު މެޗަށް ސަސްޕެންޑް ކޮށްފައެވެ.
އެގޮތުން ލީގުގެ ފުރަތަމަ މެޗުގައި ޑިޕޯތިވޯ ލަކަރޫނިޔާއާ ދެކޮޅަށް ކުޅެ 0-3 އިން މޮޅުވި މެޗުގައި ވެސް ރޮނާލްޑޯ ކުޅެފައެއް ނުވެއެވެ. މީގެ އިތުރުން ލީގުގައި ކުރިޔަށް އޮތް 3 މެޗުގައި ވެސް ރޮނާލްޑޯއަށް ނުކުޅެވޭއިރު އޭނާއަށް އެންމެ އަވަހަށް ވެސް ކުޅެވޭނީ އަންނަ މަހުގެ 20 ވަނަ ދުވަހު ރެއާލް ބެޓިސްއާ ދެކޮޅަށް ކުޅޭ މެޗުގައެވެ.
ފިއޮރެންޓީނާއާ ދެކޮޅަށް މިރޭ ރެއާލް މެޑްރިޑު ނިކުންނައިރު މިރޭގެ މެޗުން މޮޅުވުމަކީ ޒިދާންގެ އުންމީދެއް ކަމަށް ވެސް އޭނާ ވަނީ ވިދާޅުވެފައެވެ. ޒިދާން ބުނީ މިރޭގެ މެޗުން މޮޅުވެ ޓްރޮފީ ގައުމުން ބޭރަށް ދިޔަ ނުދޭނޭ ކަމަށާއި އެހެން ކަމުން މިރޭގެ މެޗުން މޮޅުވުން މުހިންމު ކަމަށެވެ.
"މިރޭގެ މެޗު ބޮޑަށް އަމާޒުކުރާނީ ކުޅުންތެރިންގެ ފިޓްނަސްއަށް. އެގޮތުން އެންމެ އިސްކަމެއް ދޭނީ 90 މިނެޓުގައި ރޮނާލްޑޯ ލައްވާ ކުޅުވުމަށް." ޒިދާން ބުންޏެވެ.
