ބްރެޒިލްގެ ރިއޯ ޑީ ޖެނީރޯ ސްޓޭޓް ޗެމްޕިއަންޝިޕްގައި ފްލެމިންގޯ އާއި ބުޓާފޯގޯ ބައްދަލުކުރި މެޗުގައި ހިނގި ހަމަނުޖެހުމުގައި ސަޕޯޓަރަކު މަރުވެއްޖެ އެވެ.
ރިޕޯޓްތައް ބުނާ ގޮތުން އޭނާ މަރުވެފައިވަނީ ބަޑީގެ ހަމަލާއަކުން ނެވެ.
ހޯމަ ދުވަހުގެ ރޭ ކުޅުނު މި މެޗު 1-2 ގެ ނަތީޖާއިން ފްލެމިންގޯ މޮޅުވިއިރު، މެޗަށްފަހު ދެޓީމުގެ ސަޕޯޓަރުން މެދުގައި ވަނީ ކުރިމަތިލުންތަކެއް ހިންގާފައެވެ.
މި ކުރިމަތިލުން ހިނގާފައިވަނީ މެޗު ކުޅުނު ސްޓޭޑިއަމް ސަރަހައްދުގައެވެ. އެ ސްޓޭޑިއަމް އަކީ މިދިޔަ އަހަރު ބްރެޒިލްގައި ބޭއްވުނު އޮލިމްޕިކްސްގައި ބޭނުންކުރި ސްޓޭޑިއަމެކެވެ.
މި ކުރިމަތިލުންތައް ހުއްޓުވުމަށް ފުލުހުން ވަނީ ކަރުނަގޭސް އަދި ރަބަރު އުންޑަ ވެސް ބޭނުންކޮށްފައެވެ. ކުރިމަތިލުންތަކުގައި ޒަހަމްވި އަށް ސަޕޯޓަރަކު ކައިރި ހޮސްޕިޓަލަކަށް ގެންގޮސް ފައިރުވާދީފައިވެ އެވެ.
