ވޯލްޑް އެތުލެޓިކްސްް އިންޑޯ ޗެމްޕިއަންޝިޕުގައި ވާދަކުރުމުގެ ފުރުސަތު ސާއިދަށް
ޓްރަޔަލްގައި ސާއިދު ވަނީ 60 މީޓަރުގެ ރޭސް 6.83 ގެ ޓައިމިންއަކުން ނިންމައިފަ އެވެ. ސާއިދުއާ ވާދަކުރި، ޢިބާދުﷲ އާދަމް އަށް ރޭސް ނިންމިފައި ވަނީ 6.90 ގެ ޓައިމިން އަކުންނެވެ.
ވޯލްޑް އެތުލެޓިކްސް އިންޑޯ ޗެމްޕިއަންޝިޕުގައި ރާއްޖެ އިން ވާދަކުރާ ޙަސަން ސާއިދު
މިއަހަރުގެ ވޯލްޑް އިންޑޯ އެތުލެޓިކްސް ޗެެމްޕިއަންޝިޕުގައި ވާދަކުރުމުގެ ފުރުސަތު، ޙަސަން ސާއިދަށް ދިނުމަށް އެތުލެޓިކްސް އެސޯސިއޭޝަން އޮފް މޯލްޑިވްސް އިން ނިންމައިފި އެވެ.
މިއަހަރުގެ ވޯލްޑް އެތުލެޓިކްސް އިންޑޯ ޗެމްޕިއަންޝިޕު ކުރިއަށް ދާނީ ޗައިނާގަ އެވެ. ޗައިނާގެ ނަންޖިންގައި މިއަހަރުގެ މުބާރާތް ކުރިއަށް ދާނީ މި ހިނގާ މާޗު މަހުގެ 21 ވަނަ ދުވަހުން ފެށިގެން، 23 ވަނަ ދުވަހުގެ ނިޔަލަށެވެ.
ރާއްޖޭގެ އެންމެ ބާރު ދުވުންތެރިޔާ ސާއިދަށް އެ ފުރުސަތު ލިބުނީ، އެ މުބާރާތުގައި ވާދަކުރާނެ އެތުލީޓަކު ކަނޑައެޅުމަށް އެތުލެޓިކްސް އެސޯސިއޭޝަން އިން ކުރިއަށް ގެންދިޔަ ޓްރަޔަލްގައި ކުރި ހޯދައިގެންނެވެ. އެގޮތުން އެ ޓްރަޔަލްގައި ސާއިދު ވަނީ 60 މީޓަރުގެ ރޭސް 6.83 ގެ ޓައިމިންއަކުން ނިންމައިފަ އެވެ. ސާއިދުއާ ވާދަކުރި، ޢިބާދުﷲ އާދަމް އަށް ރޭސް ނިންމިފައި ވަނީ 6.90 ގެ ޓައިމިން އަކުންނެވެ.
މީގެ ކުރިން ވެސް ސާއިދު ވަނީ 2022 ވަނަ އަހަރު އަދި 2024 ވަނަ އަހަރު އޮތް ވޯލްޑް އިންޑޯ އެތުލެޓިކްސް ޗެމްޕިއަންޝިޕުގައި ވާދަކޮށްފަ އެވެ.
