ސެވިއްޔާ، ނަޕޯލީ އަދި ސެލްޓިކް ޗެމްޕިއަންސް ލީގަށް!

ޔޫއެފާ ޗެމްޕިއަންސް ލީގަށް ކޮލިފައިވުމަށް ކުޅެވުނު ޕްލޭއޮފްގެ މެޗުތަކުން މޮޅުވެ ސްޕެއިންގެ ސެވިއްޔާ، އިޓަލީގެ ނަޕޯލީ އަދި ސްކޮޓްލެންޑުގެ ސެލްޓިކް ޗެމްޕިއަންސް ލީގުން ޖާގަހޯދައިފިއެވެ.

ސެވިއްޔާ ޗެމްޕިއަންސް ލީގުން ޖާގަ ހޯދީ ތުރުކީގެ އިސްތަންބޫލްއާ ވާދަކޮށް 3-4 ގެ އެގްރިގޭޓް ނަތީޖާއަކުން ކުރިހޯދައިގެންނެވެ.

މި ދެޓީމު ވާދަކުރި ފުރަތަމަ ލެގުގެ މެޗު 2-2 ގެ ނަތީޖާއިން އެއްވަރުވިއިރު ރޭ ކުޅުނު ދެވަނަ ލެގުގެ މެޗުން ސެވިއްޔާ މޮޅުވީ 1-2 ގެ ނަތީޖާއިންނއެވެ.

އިޓަލީގެ ންޕޯލީ ޗެމްޕިއަންސް ލީގުން ޖާގަ ހޯދީ ފްރާންސްގެ ނީސްއާ ވާދަކޮށް 0-4 ގެ އެގްރިގޭޓް ނަތީޖާއިން ކުރި ހޯދައިގެންނެވެ.

މި ދެޓީމު ބައްދަލުކުރި ޕްލޭއޮފްގެ ފުރަތަމަ ލެގުގެ މެޗު 0-2 ގެ ނަތީޖާއިން ނަޕޯލީ ކާމިޔާބުކުރިއިރު ރޭ ނީސްގެ އަމިއްލަ ދަނޑުގައި ކުޅުނު ދެވަނަ ލެގުގެ މެޗުން ވެސް ނަޕޯލީ ވަނީ 0-2 ގެ ނަތީޖާއިން މޮޅުވެފައެވެ.

ސްކޮޓްލެންޑުގެ ސެލްޓިކް ޗެމްޕިއަންސް ލީގުން ޖާގަ ހޯދާފައި ވަނީ ކުޅުނު ދެ މެޗުން ވެސް މޮޅުވެ 4-8 ގެ އެގްރިގޭޓް ނަތީޖާއިން ކުރި ހޯދައިގެންނެވެ.

މި ދެ ޓީމު ޕްލޭއޮފްގައި އަސްތާނާގެ އަމިއްލަ ދަނޑުގައި ކުޅުނު ފުރަތަމަ ލެގުގެ މެޗު 3-4 ގެ ނަތީޖާއިން އަސްތާނާ ކާމިޔާބު ކުރި ނަމަވެސް ސެލްޓިކުގެ ދަނޑުގައި ކުޅުނު ދެވަނަ ލެގުގެ މެޗު ސެލްޓިކުން ކާމިޔާބު ކޮށްފައިވަނީ 0-5 ގެ ނަތީޖާއިންނެވެ.

މި ތިން ޓީމުގެ އިތުރުން ރޭގެ މެޗުތައް ކާމިޔާބުކޮށް އޮލިމްޕިއާކޮސް އަދި މެރިބޯރ ވެސް ވަނީ ޗެމްޕިއަންސް ލީގުގެ ޖާގައެއް ކަށަވަރުކޮށްފައެވެ.

ޗެމްޕިއަންސް ލިގަށް ކޮލިފައިވުމަށް ކުޅޭ ޕްލޭއޮފް މެޗުތަކެއް މިރޭ ވެސް ކުޅޭނެ އެވެ. އޭގެ ތެެރޭގައި ލިވަޕޫލް އަދި ހޮފެންހެއިމް އާއި ސްޕޯޓިން އަދި އެފްސީ ބާސެލް ބައްދަލުކުރާ މެޗު ހިމެނެއެވެ.