އިސްރާއީލާއެކު ވެފައިވާ ހަނގުރާމަ ހުއްޓާލުމުގެ އެއްބަސްވުމުގެ ދަށުން، ހަމާސްއިން ޣައްޒާ ގައި ހިފަހައްޓާފައި ތިބި ރަހީނުންގެ ތެރެއިން އިތުރު 8 މީހުން ދޫކޮށްލައިފި
އިސްރާއީލުގެ ޖަލުތަކުން 110 ފަލަސްތީން މީހުން ވަނީ ދޫކޮށްލާފައި.
2025 ޖެނުރަރީ 30 ވަނަ ދުވަހު އިތުރު ދެ ރަހީނުން ޚާން ޔޫނިސްގައި ދޫކޮށްލާ އިރު އިސްލާމިކް ޖިހާދުގެ ހަނގުރާމަވެރިން ހަރަކާތްތެރިވަނީ
އިސްރާއީލާއެކު ވެފައިވާ ހަނގުރާމަ ހުއްޓާލުމުގެ އެއްބަސްވުމުގެ ދަށުން، ހަމާސްއިން ޣައްޒާ ގައި ހިފަހައްޓާފައި ތިބި ރަހީނުންގެ ތެރެއިން އިތުރު 8 މީހުން، ދޫކޮށްލައިފިއެވެ.
އޭގެ ތެރޭގައި ހިމެނެނީ ތިން އިސްރާއީލު މީހުންނާއި ތައިލޭންޑުގެ ފަސް މީހުންނެވެ.
ބުރާސްފަތި ދުވަހު ހަމާސް އިން މީހުން ހަވާލު ކުރީ ރެޑް ކްރޮސްއާ އެވެ. ފަހުން ރެޑްކޮރޮސް އިން ވަނީ އިސްރާއީލުގެ ބާރުތަކާ ހަވާލުކޮށް އެމީހުން އިސްރާއީލަށް ގެންގޮސް އާއިލާ ތަކާ ހަވާލު ކޮށްފައެވެ.
އޭގެ ފަހުން ޖުމްލަ 110 ފަލަސްތީނު މީހުން އިސްރާއީލުގެ ޖަލުތަކުން ދޫކޮށްލެވުނެވެ. މީގެ ތެރޭގައި އުމުރު ދުވަހުގެ ޙުކުމް އިއްވާފައިވާ 32 މީހުންނާއި 30 ކުޑަކުދިން ހިމެނެއެވެ.
ރަހީނުން ދޫކޮށްލުމުގައި އަމަލުކުރެވުނު ގޮތާމެދު ހިތްހަމަނުޖެހިގެން ކަމަށް ބުނެ އިސްރާއީލުން ފަލަސްތީނު މީހުން ދޫކޮށްލުން ލަސްވެސް ކުރިއެވެ. މައްސަލަ އެންމެ ފަހުން ހަމަ ޖެހުނީ ހަނގުރާމަ ހުއްޓާލުމުގެ އެއްބަސްވުމުގެ މެދުވެރިންގެ ދައުރު އަދާކުރި ފަރާތްތައް މިކަމުގެ ތެރެއަށް ވަދެގެން ކަމަށް ރިޕޯޓްތައް ބުނުއެވެ.
ބުރާސްފަތި ދުވަހު ދޫކޮށްލެވުނު މީހުންނާއެކު، ޖަނަވަރީ 19 ވަނަ ދުވަހު ހަނގުރާމަ ހުއްޓާލުމުގެ އެއްބަސްވުން ތަންފީޒުކުރަން ފެށުނީއްސުރެ ޖުމްލަ 15 ރަހީނުން ދޫކޮށްލެވިފައިވެއެވެ. އަދިވެސް 82 މީހުން ހަމާސް އިން ހިފަހައްޓާފައި އެބަތިއްބެވެ.
