ރަސްރަނި ބަގީޗާއަކީ އެންމެ މުގައްދަސް އެއް ބިން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
ބާގީޗާ ހުޅުއްވުމަށްޓަކައި ބޭއްވި ޚާއްސަ ރަސްމިއްޔާތުގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރަސްރަނި ބާގީޗާއަކީ އެންމެ ވަރުގަދަ އެއް ބިނާ ކަމަށާއި 800 އަހަރު ކުރިން ވެރިކަން ކުރައްވަން އުޅުއްވި ރަސްކަލުންނާއި ރަނި ކަނބަލުން އުޅުއްވި އެއް ސަރަހައްދު ކަމަށެވެ.
"މިތާނގައި ތިބި ކުދިންނަކަށް ޕްރެޒިޑެންޓުން ނޫން ބަޔަކު ނޭނގޭނެ. އެހެންނަމަވެސް އިނގިރޭސި ވިލާތުގައި ކުއިން އެލިޒަބަތު ހުންނަ ގޮތަށް ދިވެހިރާއްޖޭގައި ވެސް ކިންގުނާއި ކުއީނުން ތިބި. އެ ރަސްކަން ނިމިގެން ގޮސް މިތަނަކީ އަޅާ ނުލެވި އޮތް ތަނެއް" ރައީސް ޔާމީން ވިދާޅުވިއެވެ.
ރަސްރަނި ބަގީޗާއަކީ ކުޑަކުދިންނަށް އުފާ ހާސިލް ކުރަން އޮތް ތަނަކަށް ހެއްދެވުމަށްޓަކައި ސަރުކާރުން ނިންމެވި ކަމަށް ރައީސް ޔާމީން ވިދާޅުވިއެވެ. އަދި މި ބަގީޗާއަކީ ކުޑަކުދިންނަށް ހިތްހަމަޖެހުމާއި ދުޅަހެޔޮ ސިއްޚަތަކަށް ފުރުސަތުތައް ހުޅުވާލެވިގެންދާނެ ތަނަކަށް ވެގެންދާނެ ކަމަށް ވެސް ރައީސް ޔާމީން ވިދާޅުވިއެވެ.
ރައީސް ޔާމީން އިތުރަށް ވިދާޅުވީ ރަސްރަނި ބާގިޗާ އަކި ހަފްލާތައް ބޭއްވުމަށް ހުޅުވާލެވިގެންދާނެ ތަނަކަށް ވެގެންދާނެ ކަމަށާއި ރަސްރަނި ބަގީޗާއިން ފީ ނެގުމަށް ހަމަޖެހިފައި ވަނީ ހަމައެކަނި ބިދޭސީ މީހުންގެ އަތުން އެކަނި ކަމަށެވެ.
ރަސްމިއްޔާތު ނިންމަވާލަމުން ރައީސް ޔާމީން ވިދާޅުވީ ހުރިހާ ކުދިން ވެސް ބަސްއަހައިގެން ރަގަޅު ކުދިން ތަކަކަށް ވުމުން ރައީސް އުފާ ކުރައްވާ ކަމަށެވެ.