ޣައްޒާގެ ފަލަސްތީން އާބާދީ އެތަނުން ބޭރުކޮށްގެން ނުވާނެ: ޖަރުމަނު
ފަލަސްތީނުގެ ބިންތައް ދާއިމީ ކޮށް އިސްރާއީލުން ހިފައިގެން ނުތިބެވޭނެ ކަމަށާއި އަދި އިތުރު ސަރަހައްދުތައް ހިސޯރު ކޮށްގެންވެސް ނުވާނެ ކަމަށް ވެސް ޖަރުމަނުން ބުނެފައިވޭ.
ޣައްޒާ ސްޓްރިޕް އިސްރާއީލުގެ ހަމަލާތަކުގައި ފުނޑުފުނޑުވެފައި
ޣައްޒާގައި ދިރިއުޅޭ ފަލަސްތީނުގެ އާބާދީ އެތަނުން ބޭރުކޮށްގެން ނުވާނެ ކަމަށް ޖަރުމަނު ވިލާތުން ބުނެފިއެވެ.
ހޯމަ ދުވަހު ޖަރުމަނުވިލާތުގެ ޚާރިޖީ ވުޒާރާގެ ތަރުޖަމާނެއް ބަޔާންކުރެއްވި ގޮތުގައި ފަލަސްތީން އާ ބެހޭ ގޮތުން ޖަރުމަނު ވިލާތުން ގެންގުޅެނީ ޔޫރަޕިއަން ޔޫނިއަން އާއި، އެ ޤައުމުގެ އެކުވެރި ގައުމުތަކާއި، އަދި އދ. ގެ ނިންމުންތަކާ އެއް ގޮތް ސިޔާސަތު ކަމަށާއި، އެ ގޮތުން ފަލަސްތީނުގެ ރައްޔިތުން ޣައްޒާއިން މަޖުބޫރުން ނެރެގެން ނުވާނެ ކަމަށެވެ.
މީގެ އިތުރުން، ޖަރުމަނު ވިލާތުގެ އޮފިޝަލް ވިދާޅުވީ، ފަލަސްތީނުގެ ބިންތައް ދާއިމީ ކޮށް އިސްރާއީލުން ހިފައިގެން ނުތިބެވޭނެ ކަމަށާއި އަދި އިތުރު ސަރަހައްދުތައް ހިސޯރު ކޮށްގެންވެސް ނުވާނެ ކަމަށެވެ.
