ރަމަޟާން މަހަށް ބޭނުންވާ ގިނަ ސާމާނާއި އަންނައުނާއި ފުޑް ސްޓޯލްތަކާއެކު "ރަންވެލާ ރަމަޟާން ބާޒާރު" ހުޅުމާލޭގައި

ރަމަޟާން މަހަށް ތައްޔާރުވުމަށް ޚާއްޞަކޮށްގެން ބާއްވާ "ރަންވެލާ ރަމަޟާން ބާޒާރު" ބޭއްވުމަށް ތައްޔާރުވެއްޖެއެވެ.

ހުޅުމާލޭ "ރުއްގަނޑު2" ގައި ބޭއްވުމަށް ހަމަޖެހިފައިވާ ރަންވެލާ ރަމަޟާން ބާޒާރު ކުރިއަށް ދާނީ މިމަހުގެ 29ން އަންނަ ފެބްރުއަރީ މަހުގެ 7 ވަނަ ދުވަހުގެ ނިޔަލަށެވެ.

މި ބާޒާރަކީ ރަމަޟާން މަހަށް ތައްޔާރުވުމަށް ބޭނުންވާ ތަކެތި އެއްތަނަކުން ހޯދުމަށް ފަސޭހަވާނޭ ގޮތަށް އިންތިޒާމް ކުރެވިފައިވާ ބާޒާރެކެވެ. މި ބާޒާރުން ލިބެން ހުންނާނެ ތަކެތީގެ ތެރޭގައި ގޭގައި އާންމުކޮށް ބޭނުންކުރާ ސާމާނާއި، ބަދިގެ ސާމާނު، އަދި އިލެކްޓްރޯނިކް އާލާތްތައް ހިމެނެއެވެ.

މީގެ އިތުރުން ހުރިހާ އުމުރުފުރައަކަށް އަމާޒުކޮށްގެން އަންނައުނާއި ކާބޯތަކެތީގެ ސްޓޯލްތައްވެސް މި ބާޒާރުގައި ހިމެނޭނެއެވެ. އަދި މިއީ ރަމަޟާން މަހަށް ތައްޔާރުވުމަށް ރައްޔިތުންނަށް ލިބޭ ރަނުގެ ފުރުސަތެއް ކަމަށް މާކެޓް އިންތިޒާމް ކުރާ ފަރާތުން ބުނެއެވެ. މި އަހަރު ބާއްވާ މި ބާޒާރަށް ގިނަ ބަޔަކު ޒިޔާރާތް ކުރާނޭ ކަމަށް ލަފާކުރެވެއެވެ.

ރަންވެލާ ރަމަޝާން ބާޒާރުގެ ސްޓޯލްތައް ބުކްކުރުމުގެ ފުރުސަތު ހުޅުވާލާފައިވާއިރު، މި ބާޒާރުގައި ތަފާތު ބާވަތްތަކުހެ ސްޓޯލްތައް ހިމެނެއެވެ. އެގޮތުން ސްޓެންޑާރޑް ސްޓޯލް ތަކާއި ޕްރީމިއަމް ސްޓޯލް ތަކުގެ އިތުރުން ކާބޯތަކެތީގެ ސްޓޯލްތައް ހިމެނެއެވެ. މީގެ އިތުރުން އަންހެން ވިޔަފާރިވެރިންނަށް އަމާޒުކޮށްގެން ޚާއްޞަކޮށް ސްޓޯލްތަކެއް ވަނީ ޚާއްޞަކުރެވިފައެވެ.

ރަންވެލާ ރަމަޟާން ބާޒާރާއި ގުޅޭ އިތުރު މައުލޫމާތު ހޯދުމަށާއި  ސްޓޯލް ތައް ބުކް ކުރުމަށް ޝައުގުވެރިވާ ފަރާތްތަކުން 7857123 ނަމްބަރާއި ގުޅައިގެން މައުލޫމާތު ލިބޭނެއެވެ.

މި ބާޒާރަކީ ވިޔަފާރިވެރިންނަށް އެމީޙުންގެ އުފެއްދުންތައް އާންމުންނާއި ހަމައަށް ފޯރުކޮށްދިނުމަށް ލިބޭ ރަނުގެ ފުރުސަތެކެވެ.