ރައީސް މުއިއްޒަކީ މިހާތަނަށް ދުއް އެންމެ ޚުދުމުހާތަރު ރައީސް: ބިގޭ
15 ޖެނުއަރީ 2025 | ބުދަ 11:56ރައީސް މުއިއްޒަކީ އްވެސް އިރެއްގެ އެއްވެސް ބާރުވެރިކަމެއް ހުރި ބޭފުޅެއް ނޫން
އަލިފުށީ ދާއިރާގެ ކުރީގެ މެމްބަރު މުހައްމަދު ރަޝީދު ހުސައިން (ބިގޭ)
ރާއްޖޭގައި މިހާރު ކަންކަން ވަމުން އަންނަ ގޮތަށް ބަލާއިރު، އަދި ކުރުވައިފައި ހުރި ތަޖުރިބާތަކަށް ބަލާއިރު، ރައީސް ޑރ. މުޙައްމަދު މުއިއްޒަކީ އެންމެ ބަލިކަށި އަދި އެންމެ ޚުދުމުޚުތާރު ރައީސް ކަމަށް އަލިފުށީ ދާއިރާގެ ކުރީގެ މެންބަރު މުހައްމަދު ރަޝީދު ހުސައިން (ބިގޭ) ވިދާޅުވެއްޖެއެވެ.
ބިގޭ މިފަދައިން ވިދާޅުވީ ރާއްޖެ ޓީވީން ގެނެސްދިން "ފުދިއްޖެ،ފުނޑިއްޖެ" ޚާއްސަ ކަވަރޭޖުގައި ވާހަކަދައްކަވަމުންނެވެ.
އެމްޑީޕީން އިސްނަގައިގެން މިމަހުގެ 31 ވަނަ ދުވަހު ބޭއްވުމަށް ރާވާފައިވާ ޚާއްސަ ހަރަކާތްތަކުގެ އެންމެ ފަހުގެ މައުލޫމާތު ފޯރުކޮށްދެއްވަމުން ބިގޭ ވިދާޅުވީ މިއަދު ގައުމު މިއޮތް ހާލަތަކީ ދިވެހި ކޮންމެ ރައްޔިތަކުވެސް ވަރަށް ކަންބޮޑުވާހަލާތެއްގައި ކަމަށެވެ. އެގޮތުން މިހާރު މި އޮތް ސަރުކާރުގެ އަނިޔާވެރިކަމުގެ ތެރެއިން ނިކަމެތިކަން ނުލިބޭ ހަމައެއްވެސް ދިވެހި ރައްޔިތަކު މިހާރު މި ގައުމުގައި ނެތްކަމަށް އޭނާ ވިދާޅުވިއެވެ.
ބިގޭ ވިދާޅުވީ ރައީސް މުއިއްޒަކީ އެއްވެސް އިރެއްގެ އެއްވެސް ބާރުވެރިކަމެއް ހުރި ބޭފުޅެއް ގޮތުގައި ފެނިގެން ނުދާކަމަށާއި އެމަނިކުފާނަކީ އެކި ދުވަސްވަރު އެކި ޕާޓީތަކުން ވަޒީރުކަން ދަމަހައްޓަމުން އައިސް ނަސީބު ރަނގަޅުކަމުން ނޫނީ އެ ހުންނެވި ހުޝިޔާރު ކަމަކުން ރައީސް ކަމަށް ވަޑައިގެންނެވީ ކަމަށެވެ.
ބިގޭ ވިދާޅުވީ މުއިއްޒަކީ ވެރިކަމަށް ވަޑައިގެންނެވި އިރު އަމިއްލަ ޕާޓީއެއްވެސް އޮތް ބޭފުޅެއް ނޫންކަމަށާއި ރައީސް މުއިއްޒަށް ޓިކެޓް ލިބިވަޑައިގަތީ ވެސް އެހެން މޯހިރުން ތައްޔާރުކޮށް ފައްކާކޮށްފައި ހުރި އެކި ޕާޓީތަކުން ކަމަށެވެ. އަދި ވެރިކަމަށް ވަޑައިގަނެވުނުއިރު، ކައިރީގައި ސަޕޯޓެއް ދޭނެ، ކައިރީގައި ވިއްދާފައި ހިފަހައަޓަން ހުރި އެއްވެސް ކައްތިރިއެއް ނެތްކަމަށް ބިގޭ ވިދާޅުވިއެވެ. އަދި އެމަނިކުފާނު ޖެހުނީ އޭގެ ބަދަލުގައި އަމިއްލަ ބާރުވެރިކަން ހޯދަން ޤާނޫނު އަސާސީ ބަދަލުކުރަން ކަމަށެވެ.
ބިގޭ ވިދާޅޫވީ ރައީސް މުއިއްޒު މިހާރު މިދާ މިސްރާބަކީ އެބޭފުޅާ އަތްޕުޅުގަ އެއްވެސް ކަހަލަ ސަޕޯޓެއް ނެތީމާ ރައްޔިތުން އަތުން ޓެކްސް ނަންގަވައިގެން އިގްތިސާދަށް ހޭދަކުރަން ހުރި ފައިސާ ގިނަ ބަޔަކަށް ވަޒީފާތަކެއް ދީ، އެމީހުންގެ އަނގަ ބަންދުކުރުވާފައިވާ ކަމަށާއި އެގޮތުން ސޯޝަލް މީޑިއާގައި މުއިއްޒުގެ ދިފާއުގައި ބަސްބުނުވަން އެ އުޅެނީ އެ މީހުން ކަމަށެވެ.
ބިގޭ ވިދާޅުވީ އަސްލު ހަގީގަތަކީ ރައީސް މުއިއްޒަކީ އެއްވެސް ބާރުވެރިކަމެއް ހުރި ރައީސެއް ނޫން ކަަމަށާއި ކަންކަތައްތައް ހިނގާގޮތަށް ބަލާއިރު، ރައީސް މުއިއްޒަށްވުރެ ނިކަމެތި ރައީސެއް ނުފެންނަކަމަށެވެ. އަދި މިއީ މުޅި ސިޔާސީ ހަޔާތުގައި ވެސް ދުއް އެންމެ ޚުދުމުޚްތާރު ރައީސް ކަމަށް ވެސް އޭނާ ވިދާޅުވިއެވެ.
ބިގޭ އިތުރަށް ވިދާޅުވީ މި ގައުމުގެ ކޮންމެ ރައްޔިތަކީ ވެސް މި ސަރުކާރުން ނުހައްގުން އެތަކެއް ނިކަމެތިކަމެއް ލިބިފައިވާ ފަރުދެއް ކަމަށާއި އެހެން ކަމުން މިނިކަމެތިކަމުން އަރައިގަތުމަށް މިމަހުގެ 31 ވަނަ ދުވަ އޮންނަ ހަރަކާތުގައި އެންމެހާބޭފުޅުންވެސް ބައިވެރިވާން ޖެހޭކަމަށެވެ.
އެގޮތުން މި ހަރާކުގައި ހަމަ ވީހާވެސް ގިނަ ބަޔަކު ބައިވެރިވުމަށް ބިގޭ ވަނީ ގޮވާލާފައެވެ.
