ކޯމޯ އިން ލާޒިއޯއާ އެއްވަރުކޮށްފި

އިޓާލިއަން ލީގުގައި ކޯމާއާ ދެކޮޅަށް ކުޅުނު މެޗުން އެއްވަރުވެ ލާޒިއޯ އިން ފަރަގު ކުޑަ ކުރަން ލިބުނު ފުރުސަތު ނަގާލައިފި އެވެ.

ލާޒިއޯގެ އަމިއްލަ ދަނޑުގައި ހުކުރު ދުވަހުގެ ރޭ ކުޅުނު މެޗު ނިމުނީ ދެ ޓީމު 1-1 އިން އެއްވަރުވެގެންނެވެ. މެޗުގައި ލާޒިއޯ އިން ލަނޑު ޖަހައި ކުރި ހޯދާފައި ވަނިކޮށް، ކޯމާ އިން ވަނީ ފަހަތުން އަރައި ލަނޑު ޖަހައިގެން ނަތީޖާ ހަމަހަމަ ކޮށްފަ އެވެ.

މެޗުގެ ފުރަތަމަ ހާފުގެ 34 ވަނަ މިނެޓުގައި ލާޒިއޯ އިން ވަނީ ލަނޑު ޖަހައި ކުރި ހޯދައިފަ އެވެ. އެ ޓީމަށް ލީޑު ނަގައިދިނީ ބޮލާޔޭ ޑިއާ އެވެ. އޭނާ އެ ލަނޑު ޖެހީ މަތެއޯ ގުއެންޑޯޒީ ތަނަވަސްކޮށްދިން ފުރުސަތެއްގަ އެވެ. މެޗުގެ ދެ ވަނަ ހާފު ފަށައިގެން ކުރީ ކޮޅު ލާޒިއޯގެ ލޯމް ޗައޮނާ އަށް ވަނީ ރަތް ކާޑު ދައްކައިފަ އެވެ. އެ ކުޅުންތެރިޔަކު މަދުކޮށް ކުޅެމުން ދިޔަ ލާޒިއޯ ކޮޅަށް ކޯމޯ އިން ލަނޑު ޖެހީ 72 ވަނަ މިނެޓުގަ އެވެ. އެ ލަނޑު އެ ޓީމަށް ޖަހައިދިނީ ޕެޓްރިކް ކަޓްރޯން އެވެ.

މެޗުން މޮޅުވެ ތިން ވަނައިގައި އޮތް އިންޓަރ މިލާނާ ދެމެދު ފަރަގު ކުޑަ ކުރުމުގެ ފުރުސަތު ލާޒިއޯ އަށް އޮތެވެ. މެޗު އެއްވަރުވެ ލިބުނު އެއް ޕޮއިންޓާ އެކު ލާޒިއޯ އޮތީ މިހާތަނަށް ކުޅުނު 20 މެޗުން 36 ޕޮއިންޓާ އެކު ހަތަރު ވަނައިގަ އެވެ. ލާޒިއޯ އަތުން ހޯދި އެއް ޕޮއިންޓާ އެކު ކޯމޯ އޮތީ 19 ޕޮއިންޓާ އެކު 15 ވަނައިގަ އެވެ.