ލަވަކިޔުންތެރިޔާ މޭޖަރ އަހުމަދު އާތިފް ނިޔާވެއްޖެ
20 އޯގަސްޓު 2017 | އާދީއްތަ 09:01ނިޔާވިއިރު މަސައްކަތް ކުރައްވަމުން ގެންދެވީ އެމްއެންޑީއެފް ގެ ނޮދަން އޭރިއާގެ ޑެޕިއުޓީ މޭޖަރކޮމާންޑަރގެ މަގާމުގައި
އެމްއެންޑީއެފް ގެ ނޮދަން އޭރިއާގެ ޑެޕިއުޓީ މޭޖަރކޮމާންޑަރ މޭޖަރ އަހުމަދު އާތިފު
އެމްއެންޑީއެފް ގެ ނޮދަން އޭރިއާގެ ޑެޕިއުޓީ މޭޖަރ ކޮމާންޑަރ މޭޖަރ އަހުމަދު އާތިފު ނިޔާވެއްޖެއެވެ.
އާތިފު ނިޔާވިއިރު މަސައްކަތް ކުރައްވަމުން ގެންދެވީ ހަނިމާދޫގައި ހުންނަ އެމްއެންޑީއެފް ގެ ނޮދަން އޭރިއާގެ ޑެޕިއުޓީ މޭޖަރ ކޮމާންޑަރގެ މަގާމުގައެވެ.
އެމްއެންޑީއެފްއަށް 30 ވަރަކަށް އަހަރު ޚިދުމަތް ކޮށްދެއްވާފައިވާ އާތިފު ނިޔާވެފައި ވަނީ ކުއްލި ގޮތަކަށް ކަމަށް މައުލޫމާތު ލިބެއެވެ.
މައުލޫމާތު ލިބިފައިވާގޮތުގައި އާތިފް ނިޔާވިކަން އެނގުނީ އާދީއްތަ ދުވަހު މެންދުރު 12 ޖަހާކަށްހާއިރު ޚަބަރެއް ނުވެގެން ކޮޓަރިތެރެ ބެލިއިރުގައެވެ.
އޭނާގެ ހަށިގަނޑު މިހާރު އޮތީ ހަނިމާދޫ ސިއްހީ މަރުކަޒުގަ އެވެ.
އާތިފަށް ވަނީ "ގައުމީ ޚިދުމަތް ދިނުމުގެ އެވޯޑް" ވެސް ލިބިވަޑައިގެންފައެވެ.
މީގެ އިތުރުން ދާދިފަހުން އެމްއެންޑީއެފުން ބޭއްވި "ވޮއިސްއޮފް އެމްއެންޑީއެފް" ގެ ޖަޖްކަން ވެސް އޭނާ ވަނީ ކުރައްވާފައެވެ.
