އިސްރާއީލުން ޣައްޒާގައި ހުރި އދ. އިން ހިންގާ ސްކޫލަކަށް ބޮން އަޅައި، 20 މީހުން ޝަހީދު ކޮށްލައިފި
އޮކްޓޯބަރު 7، 2023 އިން ފެށިގެން ޣައްޒާ ގައި އިސްރާއީލުން ކުރަމުންދާ ހަނގުރާމައިގައި މަދުވެގެން 44,976 ފަލަސްތީނު މީހުން ޝަހީދުވެ، 106,759 މީހުން ޒަޚަމްވެފައިވެއެވެ.
ޚާން ޔޫނިސްގައި ހުރި އދ ގެ ސްކޫލަކަށް އިސްރާޢީލުން ބޮން އެޅުމުން ޝަހީދުވި މީހެއްގެ ހަށިގަނޑުގެ ކައިރީގައި އާއިލާގެ މީހަކު ހިތާމަ ކުރަނީ
ދެކުނު ޚާން ޔޫނިސްގައި ހުރި އދ. ގެ ރެފިއުޖީ އެޖެންސީ (އަންރުވާ) އިން ހިންގާ އަޙްމަދު ބިން ޢަބްދުލް ޢަޒީޒު ސްކޫލަށް އިސްރާއީލު ސިފައިން ބޮން އަޅައި، ކުޑަކުދިން ހިމެނޭ ގޮތަށް މަދުވެގެން 20 މީހުން ޝަހީދު ކޮށްލައިފިއެވެ.
މި ހަމަލާ އައީ އުތުރު ބައިތު ހަނޫންގައި ހުރި ސްކޫލަކަށް ދިން ހަމަލާއެއްގައި 43 މީހުން ޝަހީދު ކޮށްލާފައި ވަނިކޮށްނެވެ.
އަނެއްކޮޅުން ފަލަސްތީނު ރައްޔިތުންގެ ގޯތި ގެދޮރު ނައްތާލުމަށް އިސްރާއީލުން ގެންދަނީ ހުއްޓުމެއް ނެތި އުދުވާން ތައް ހިންގަމުންނެވެ. މިގޮތުން އިސްތިއުމާރީ ބާރުތަކުގެ ބުލްޑޯޒަރުތަކުން ހޯމަ ދުވަހު ހިފާފައިވާ ޖެރޫސަލަމްގެ އަލަމްގެ އުތުރު އިރުމަތީގައި އޮންނަ އަނާތާ ރަށުގައި ހުރި 6 ގެ ބިމާ ހަމަކޮށްލައިފައިވެއެވެ.
އިސްރާއީލުގެ ސަރުކާރުން މިހާރު ގެންދަނީ ސޫރިޔާގެ ރައީސް ބައްޝާރު އަލް-އަސަދު ގެ ވެރިކަން ވެއްޓުމާއެކު، ގޯލާން ހައިޓްސް އިން ސޫރިޔާގެ ބިމުން ހިފާފައިވާ ސަރަހައްދު ފުޅާ ކުރުމުގެ ޖަރީމާ ހިންގަމުންނެވެ. އިސްރާއީލު ސަރުކާރުން ބުނެފައިވަނީ ހިފާފައިވާ ސޫރިޔާގެ ގޯލާން ހައިޓްސްގައި ދިރިއުޅޭ އިސްރާއިލުގެ އާބާދީ ދެ ގުނަ ކުރުމުގެ ޕްލޭނެއް ކުރަމުންދާ ކަމުގައެވެ.
އިރާގް، ސައުދީ އަރަބިއްޔާ އަދި ޔުނައިޓެޑް އެރަބް އެމިރޭޓްސް އިން ވަނީ އިޒްރޭލުން މި ގެންގުޅޭ ޕްލޭން ކުށްވެރިކޮށްފައެވެ.
އޮކްޓޯބަރު 7، 2023 އިން ފެށިގެން ޣައްޒާ ގައި އިސްރާއީލުން ކުރަމުންދާ ހަނގުރާމައިގައި މަދުވެގެން 44,976 ފަލަސްތީނު މީހުން ޝަހީދުވެ، 106,759 މީހުން ޒަޚަމްވެފައިވެއެވެ.
