ގުރުގެ ނަސީބުން، ފުވައްމުލައް ކުއާޓަރ ފައިނަލަށް

މިހާރު ކުރިއަށްދާ ނައިންޓީ ޕްލަސް ގޯލްޑް ކަޕްގެ ދެ ވަނަ ބުރުގެ ގުރޫޕު ސްޓޭޖުގައި ނެގި ގުރު ކާމިޔާބުކޮށް، ފުވައްމުލައް ސިޓީން މުބާރާތުގެ ކުއާޓަރ ފައިނަލްގެ ފުރުސަތު ހޯދައިފި އެވެ.

މުބާރާތުގެ ގުރޫޕު އީގައި ފުވައްމުލަކުގެ އިތުރުން ދެން އޮތީ ކ.ގުރައިދޫ އަދި ތ.ތިމަރަފުއްޓެވެ. މި ގުރޫޕުގެ ހުރިހާ މެޗުތަކެއް ނިމުނުއިރު، އެއް ވަނައިގައި ކުއަޓަރ ފައިނަލަށް ދިޔައީ ގުރައިދޫ އެވެ. ފުވައްމުލަކާއި، ތިމަރަފުށި ޕޮއިންޓުގެ ގޮތުން އެއްވަރުވާއިރު، ދެން ހުރި ގޮތް ގޮތުން ވެސް ދެ ޓީމު ވަނީ އެއްވަރުވެފަ އެވެ.

އެހެންވެ މުބާރާތުގެ ޤަވާއިދު އޮތް ގޮތުން ކުއަޓަރ ފައިނަލްގެ ޖާގަ ލިބޭ ޓީމެއް ކަނޑައަޅަނީ ގުރު ނަގައިގެންނެވެ. އާދީއްތަ ދުވަހުގެ ހަވީރު ގަލޮޅު ރަސްމީ ދަނޑުގައި ނެގި ގުރުން، މުބާރާތުގެ ކުއާޓާ ފައިނަލްގެ ފުރުސަތު ލިބުނީ ފުވައްމުލަކަށެވެ. އެއާއެކު ތިމަރަފުށި ވަނީ މުބާރާަތުން ކަޓައިފަ އެވެ. ވަރުގަދަ ސްކޮޑަކާ އެކު އޮތް ފުވައްމުލައް ސިޓީން ވަނީ ފުރަތަމަ ބުރުގައި ކުޅުނު ހަަތަރު މެޗުން ވެސް މޮޅުވެފަ އެވެ. އެ ޓީމުން ދެ ވަނަ ބުރުގެ ޖާގަ ހޯދީ ވެސް އެއް ވަނަ ޓީމުގެ ގޮތުގަ އެވެ.

ދެ ވަނަ ބުރުގައި ކުޅުނު ފުރަތަމަ މެޗުގައި ފުވައްމުލައް ވަނީ ތިމަރަފުއްޓާ އެެއްވަރުވެފަ އެވެ. ދެ ވަަނަ މެޗުގައި ގުރައިދޫ އަތުން ބަލިވީއިރު، އެއީ މުބާރާތުގައި ފުވައްމުލަކުގެ ފުރަތަމަ ބައްޔެވެ. ގޯލްްޑް ކަޕް މުބާރާތުގައި ފުވައްމުލައް ސިޓީ އަށް އިރުޝާދު ދެމުން އަންނަނީ ތަޖުރިބާކާރު ކޯޗު ސޮބާހު މުޙައްމަދު (ސޮބާ) އެވެ.