ރައްކާތެރި ސަރަހައްދެއް ކަމަށް ބުނާ ނުސީރާތު ކޭމްޕަށް ގަދަފަދަ ހަމަލާތަކެއް ދީފި
14 ޑިސެމްބަރު 2024 | ހޮނިހިރު 08:28އިސްރާއީލުން ހުއްޓުމެއް ނެތި ހިންގަމުންދާ ނަސްލު ނައްތާލުމުގެ ޖަރީމާ ތަކުގައި ވޭތުވެދިޔަ 70 ދުވަހުގެ ތެރޭގައި އެތައް ހާސް މީހުން ޝަހީދުވެފައިވެއެވެ.
ނުސީރާތު ރެފިއުޖީ ކޭމްޕަށް ދިން ހަމަލާ ގައި ޝަހީދުވި ބައެއް މީހުންގެ ހަށިތަކާއެކު އާއިލާތަކުން ހިތާމަ ކުރަނީ
އިސްރާއީލުގެ ފައުޖުތަކުން ޣައްޒާ ސްޓްރިޕްގެ މެދުތެރޭގައިވާ ނުސެއިރާތު ރެފިއުޖީ ކޭމްޕަށް ވަރަށް ގަދަފަދަ ހަމަލާއެއް ދީފިއެވެ. މިއީ އާންމު ރައްޔިތުންނަށް "ރައްކާތެރި ސަރަހައްދެއް" ކަމުގައި އިސްރާއީލުން އިއުލާނު ކޮށްފައި އޮންނަ ސަރަހައްދެކެވެ.
ހުކުރު ދުވަހު ކޭމްޕުގެ އާންމުން ދިރިއުޅޭ އިމާރާތްތަކާއި ޕޯސްޓް އޮފީހަށް އަމާޒުކޮށް ދިން މި އަނިޔާވެރި ހަމަލާގައި އެތައް ބަޔަކު ޒަޚަމްވެ ނުވަތަ ގެއްލިފައިވެއެވެ.
މީގެ ކުރިން ބުރާސްފަތި ދުވަހު ވެސް އިސްރާއީލުން މި ކޭމްޕުގެ އާންމުން ދިރިއުޅޭ ބްލޮކަކަށް ހަމަލާދީ، 40 މީހުން ޝަހީދު ކޮށްލައި، އަދި އެތައް ބަޔަކު އިމާރާތްތަކުގެ ދަށުވެ ތާށިވެފައިވާ ކަމަށް ވަނީ ބެލެވިފައެވެ.
އަދި ހުކުރު ދުވަހު ވެސް، އިސްރާއީލީ ބާރުތަކުން ޣައްޒާ ސިޓީގެ މެދުތެރޭގައިވާ ސިނާޢީ ސަރަހައްދާ ކައިރިން ދިން ވައިގެ ހަމަލާއެއް ގައި ފަލަސްޠީނުގެ ފޮޓޯގްރާފަރަކާއި އިތުރު ޒުވާނަކު ޝަހީދު ކޮށްލިއެވެ. މީގެ އިތުރުން، ސިޓީގެ ހުޅަނގު އުތުރުގައިވާ ޝެއިޚް ރަޟްވާން ސަރަހައްދަށް ބޮންއެޅުމުގެ ސަބަބުން އަލް-އަޤްޞާ ޔުނިވަރސިޓީގެ ޕްރޮފެސަރަކާއި އޭނާގެ އަނބިކަނބަލުން ވަނީ ޝަހީދުވެފައެވެ.
ދެކުނު ޣައްޒާގެ ޚާން ޔޫނިސް ސިޓީގެ ދެކުނުގައިވާ ޤިޒާން އަލް-ނައްޖާރު އަދި ޖައުރަތު އަލް-ލޫތު ސަރަހައްދުތަކުގައި ހުރި ރެފިއުޖީ ދެ ޓެންޓަކަށް ދިން މިފަދަ އެހެން ހަމަލާއެއްގައި އިތުރު ތިން މީހެއްގެ ފުރާނަ ވަނީ ގެއްލިފައެވެ.
އިސްރާއީލުން ހުއްޓުމެއް ނެތި ހިންގަމުންދާ ނަސްލު ނައްތާލުމުގެ ޖަރީމާ ތަކުގައި ވޭތުވެދިޔަ 70 ދުވަހުގެ ތެރޭގައި އެތައް ހާސް މީހުން ޝަހީދުވެފައިވެއެވެ.
