ކޮޕީރައިޓްގެ ބިލު ފާސްކޮށްފި - ގާނޫނާ ޚިލާފުވެއްޖެނަމަ 300،000 ރުފިޔާއާ ހަމައަށް ޖޫރިމަނާ ކުރެވޭ ގޮތަށް
ހޯމަ ދުވަހު މަޖިލީހުގައި ވަނީ އެ ބިލުގެ މަސައްކަތް ދިރާސާކޮށް ނިންމި ގޮތުގެ ރިޕޯޓުގެ ބަހުސްކުރުން ކުރިއަށް ގެންގޮސްފަ
20 ވަނަ ރައްޔިތުންގެ މަޖިލީހުގެ 30 ވަނަ ޖަލްސާ
ގާނޫނާ ޚިލާފުވެއްޖެނަމަ 300،000 ރުފިޔާއާ ހަމައަށް ޖޫރިމަނާ ކުރެވޭގޮތަށް ކަނޑައަޅާ ކޮޕީރައިޓްގެ ބިލު ފާސްކޮށްފިއެވެ.
މި ބިލަކީ ސަރުކާރުގެ ފަރާތުން ނިލަންދޫ ދާއިރާގެ މެންބަރު ފާތިމަތު ސައުދާ ހުށަހެޅުއްވި ބިލެކެވެ.
އެ ބިލު ފާސްކޮށްފައި ވަނީ ހޯމަ ދުވަހު ވޯޓުގައި ބައިވެރިވި 82 މެންބަރުންގެ އިއްތިފާގުންނެވެ. ކޮޕީ ރައިޓް ގާނޫނުގެ ދަަަަށުން ހިމާޔަތްކޮށްދީފައިވާ ހައްގަކަށް އަރައިގެންފިނަމަ އެކަމުގެ އަދަބެއްގެ ގޮތުން އެ ކުށުގެ ކުޑަބޮޑު މިނަށް ބެލުމަަށް ފަހު 50،000 ރުފިޔާއާއި 300،000 ރުފިޔާއާ ދެމެދުގެ އަދަދަކުން ޖޫރިމަނާ ކުރުމަށް ބިލުގައި ވަނީ ހިމަނާފައެވެ.
އެ ބިލުގައި ވާ ގޮތުން ކޮޕީރައިޓުގެ ވެރިފަރާތުން އެހެން ފަރާތަކަށް ހުއްދަދީފައިނުވާ ނަމަ އެ އުފެއްދުމެއްގެ އަސްލެއް ނުވަތަ ކޮޕީއެއް އާންމުންނަށް ވިއްކުމާއި ކުއްޔަށް ދިނުމަށް ނުވަތަ އެ ނޫންވެސް ބޭނުމަކަށް އާންމުންނަށް ފޯރުކޮށް ދިނުމަކީ މަނާކަމެކެވެ.
ހޯމަ ދުވަހު މަޖިލީހުގައި ވަނީ އެ ބިލުގެ މަސައްކަތް ދިރާސާކޮށް ނިންމި ގޮތުގެ ރިޕޯޓުގެ ބަހުސްކުރުން ކުރިއަށް ގެންގޮސްފައެވެ. ބިލް ފާސްކުރީ ވޯޓުގައި ބައިވެރިވި 57 މެންބަރުންގެ އިއްތިފާގުންނެވެ.
ބިލުގައި ބުނެފަވާގޮތުން ކޮޕީރައިޓް ގާނޫނުގެ ދަށުން އުފެއްދުމެއް ހިމާޔަތް ކުރެވޭނީ އެ އުފެއްދުމެއް ހުށަހަޅައިދޭ ގޮތާއި އުފެއްދުމެއްގައި ހިމެނޭ އެއްޗެއްގެ ސަބަބުން ނުވަތަ އެ އެއްޗެއްގެ ފެންވަރަށް ނުވަތަ މަގުސަދަށް ބަލައިގެނެއް ނޫނެވެ.
ހަމައެހެންމެ ލިޔުމުގެ އަސްލީ އުފެއްދުމާއި، މިއުޒިކީ އަސްލީ އުފެއްދުންތައް އަދި އަސްލީ ފަންނުވެރި އުފެއްދުންތައް ކަމަށް ގާނޫނުގައިވާ މާއްދާއަށް ނަންބަރެއް އިތުރުކޮށް އޭގައި އޯޑިއޯ ވިޝުއަލް މަސައްކަތްތައް ވަނީ ހިމަނާފައެެވެ. މީގެ އިތުރުން އޯޑިއޯ ރެކޯޑިންއާއި، ސެޓްލައިޓް، އިންޓަނެޓް، އަދި ކޭބަލް މެދުވެރިކޮށްކުރެވޭ ބްރޯޑްކާސްޓު ވެސް ބިލުގައި ވަނީހިމަނާފައެވެ.
ކޮޕީރައިޓް ގާނޫނަށް އިސްލާހު ގެނައުމުގެ ބިލު މަޖިލީހަަށްބަލައިގަތީ ވަނީ ޖުލައި ނުވައެއްގައެވެ.
