ޖަބާލިޔާ އަށް އިޒްރޭލުން ދިން ވައިގެ ހަމަލާއެއްގައި މަދުވެގެން 10 މީހުން ޝަހީދުވެއްޖެ

ބުރާސްފަތި ދުވަހު ޣައްޒާ ދެކުނުގައި އޮންނަ ރަފަހް ސިޓީގެ އުތުރުގައި އޮންނަ ޖަބާލިޔާ އަވަށަށް އިޒްރޭލު ސިފައިން ދިން ބޮމުގެ ހަމަލާގައި 10 އާންމު ރައްޔިތުން މަރުވެ، އެތައް ބަޔަކު ޒަޚަމްވެއްޖެއެވެ.

އެހެން ހަމަލާއެއްގައި، މަންޒަރު ދުށް މީހުންނާ ހަވާލާދީ ވަފާ ނިއުސް އޭޖެންސީން ބުނާ ގޮތުގައި، ރަފަހް ސިޓީގެ އިރުމަތީގައި އޮންނަ އަލް-ޖަނީނާ ސަރަޙައްދުގައި ތިބި ބަޔަކަށް އިޒްރޭލުން ޑްރޯން ބޭނުންކޮށްގެން ބޮންއަޅާ 5 އާންމު ރައްޔިތުން މަރުވެފައެވެ.

މީގެ އިތުރުން، ޣައްޒާ އުތުރުގައި އޮންނަ ޖަބާލިޔާ އަލް-ބަލާދުގެ އަލް-ޢުމަރީ މިސްކިތުގެ ކައިރީގައި ހުރި ގެއަކަށް އިޒްރޭލުން ދިން ހަމަލާއެއްގައި އިތުރު 5 މީހުން މަރުވެފައިވެއެވެ.

އދ ގެ އިންސާނީ އެހީގެ ވެރިޔާ، ޖޯއިސް އެމްސުއާ، އިންޒާރުދެއްވާފައިވާ ގޮތުގައި އުތުރު ޣައްޒާގައި އިޒްރޭލު ސިފައިންގެ "އަނިޔާވެރި ހިޞާރު" ގެ ދަށުގައި ތިބި ފަލަސްތީނުގެ އާންމު ރައްޔިތުން "ދުނިޔެއިން ބަލަހައްޓައިގެން ތިއްބާ ބަނޑަށް ޖެހެމުންދާ،" ކަމަށެވެ.

އޮކްޓޯބަރު 7، 2023 އިން ފެށިގެން އިޒްރޭލުން ޣައްޒާގައި ހިންގަމުންދާ ނަސްލު ނައްތާލުމުގެ ހަނގުރާމައިގައި މަދުވެގެން 43،391 ފަލަސްތީނު މީހުން ޝަހީދުވެ، 102،347 މީހުން ޒަޚަމް ވެފައިވެއެވެ.