ކޮންމެ އަހަރަކު އެއްފަހަރު މޭރީބްރައުން އިން ސްޕޮންސާ ކޮށްގެން ބާއްވާ "މޭރީބްރައުން ޓެނިސް ޗެމްޕިއަންޝިޕް" މިއަދު ފަށައިފިއެވެ.
މި މުބާރާތް ފަށާފައި ވަނީ މިއަދު ހަވީރުއެވެ. ޓެނިސް އެސޯސިއޭޝަނުން މައުލޫމާތު ދޭ ގޮތުގައި މި މުބާރާތް ކުރިޔަށް ގެންދިއުމަށް ހަމަޖެހިފައި ވަނީ 17 އޮގަސްޓް އިން 26 އޮގަސްޓް އަށެވެ. މި މުބާރާތް ކުރިޔަށް ދާނީ މޭރީބްރައުން ފުރަގަހުގައި އޮންނަ ނެޝެނަލް ޓެނިސް ސެންޓަރުގެ ކޯޓު ތަކުގައެވެ.
މި މުބާރާތުގައި 47 ފިރިހެން ކުޅުންތެރިންނާއި 37 އަންހެން ކުޅުންތެރިން ބައިވެރިވާނެއެވެ. އަދި މުބާރާތް ކުރިޔަށް ގެންދިއުމަށް ހަމަޖެހިފައި ވަނީ ތަފާތު އުމުރުފުރާތަކަށް ބަހާ ލައިގެންނެވެ. އެގޮތުން ސިންގަލްސް، ޑަބަލްސް އަދި މިކްސްޑް ޑަބަލްސް މެޗުތައް ކުޅެވިގެންދާނެ ކަމަށް ޓެނިސް އެސޯސިއޭޝަން އޮފް މޯލްޑިވްސްއިން މައުލޫމާތުދެއެވެ.
މި މުބާރާތުގެ ކުޅުން މިރޭ ވެސް ކުރިއަށް ދާނެ ކަމަށް އެ އެސޯސިއޭޝަނުން މައުލޫމާތުދެއެވެ.
