raajjemv logo
ކްލަބު އީގަލްސް
ސާންތިގެ އިރުޝާދާއެކު އީގަލްސް ފަރިތަކުރުންތައް ފަށައިފި
 
ބިދޭސީ ދެ ކުޅުންތެރިން ހޯދުމަށް އީގަލްސް އިން މަސައްކަތް ކުރަނީ
 
އީގަލްސްގެ ފަރިތަކުރުންތަކުގައި ނައްޓޭ ބައިވެރިވޭ
ނާފިއު ރަޝީދު
3,610
ކ. މާލެ |
15 ޖެނުއަރީ 2017 | އާދީއްތަ 19:10
ކްލަބް އީގަލްސްގެ ކުޅުންތެރިން ފަރިތަކުރުންތައް ކުރިއަށް ގެންދަނީ
ފޭސްބުކް

ކުރިއަށް އޮތް ފުޓުބޯޅަ ސީޒަނަށް ތައްޔާރުވުމުގެ ގޮތުން ކްލަބު އީގަލްސްގެ ފަރިތަކުރުންތައް ފަށައިފި އެވެ.
އީގަލްސްގެ ފަރިތަކުރުންތައް ފެށިއިރު، އެ ކްލަބު އިތުރަށް ވަރުގަދަ ކުރުމަށް މާޒިޔާއަށް ކުޅެމުން އައި ޒުވާން ކުޅުންތެރިއާ އަހުމަދު ނާޝިދު (ނައްޓޭ) ވަނީ ގެންގޮސްފަ އެވެ. މީގެ އިތުރުން ބިދޭސީ ދެ ކުޅުންތެރިއަކު ގެނައުމަށް މަސައްކަތް ކުރަމުންދާ ކަމަށް އެކްލަބުން މައުލޫމާތުދެ އެވެ.
އާ ސީޒަނަށް ކުރިމަތިލާއިރު، އީގަލްސްއާއެކު ހަދާފައިވާ އެއްބަސްވުން އެޓީމުގެ ކޯޗު އިހުސާން އަބްދުލް ޣަނީ (ސާންތި) ވަނީ އާކޮށްފަ އެވެ. ސާންތި އެ ކްލަބުގެ އެއްބަސްވުން އާކުރީ ދެ އަހަރު ދުވަހުގެ މުއްދަތަކަށެވެ.
އީގަލްސްއާއެކު ސާންތި މީގެ ކުރިން ހަދާފައިވާ އެއްބަސްވުން މިދިޔަ ސީޒަން ނިމުނުއިރު ވަނީ ހަމަވެފަ އެވެ. އޭނާގެ ކޯޗު ކަމުގެ ދަށުން އީގަލްސް ވަނީ މިދިޔަ ސީޒަނުގެ ޕްރެޒިޑެންޓް ކަޕްގެ ޗެމްޕިއަންކަން ހޯދާފަ އެވެ. ސާންތި އަކީ 27 އަހަރުގެ އީގަލްސްގެ ތާރީހުގައި އެންމެ ކާމިޔާބު ކޯޗެވެ.
އީގަލްސްގެ ފަރިތަކުރުންތައް ކުރިއަށްދިޔަ ވަގުތު ނޫސްވެރިންނަށް މައުލޫމާތުދެމުން ސާންތި ބުނީ ފަރިތަކުރުންތައް ފެށިއިރު އެންމެ ބޮޑު ހިތްހަމަޖެހުމަކީ މިދިޔަ އަހަރު ކްލަބުގައި ހިމެނުނު ކުޅުންތެރިންގެ ތެރެއިން 95 އިންސައްތަ ކުޅުންތެރިން ޓީމުގައި މަޑުކުރުން ކަމަށެވެ. މި ފެށޭ ސީޒަން އުނދަގޫ ސީޒަނަކަށްވީ ނަމަވެސް ކުޅުންތެރިންގެ މަސައްކަތުން ކާމިޔާބު ހޯދޭނެ ކަމަށް ވެސް ސާންތީ ބުންޏެވެ.
ކްލަބު އީގަލްސްގެ ފަރިތަކުރުން ފެށިއިރު، އާ ސީޒަނަށް ތައްޔާރުވުމަށް މާޒިޔާ އާއި ކްލަބު ވެލެންސިއާ އަދި ވިކްޓްރީންވެސް ވަނީ ފަރިތަކުރުންތައް ފަށާފަ އެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ހުސެން ފިޔާޒް
0%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް