އަންގާރަ 25 ޖޫން 2019
09 އަދަ
1440 ޝައްވާލް 21
ފަތިސް 04:37
އިރުއަރާ 05:56
މެންދުރު 12:12
އަސްރު 15:36
މަޣްރިބް 18:21
އިޝާ 19:40
ކުޅިވަރު - މައުމޫން

އެޓޯލް ޖޫނިއާ އެތުލެޓިކްސް ޗެމްޕިއަންޝިޕް އައްޑޫގައި ބައްވަނީ!

ލީވާން އަލީ
MrLeevaan

ކ. މާލެ 5 ޖެނުއަރީ 2017 | ބުރާސްފަތި 03:39 1,976

އެތުލެޓިކްސް އެސޯސިއޭޝަން އާއި އައްޑޫ ސީޓީ ކައުންސިލް ބައްދަލުކުރުން - އަޒުމޫން އަހުމަދު

އެޓޯލް ޖޫނިއާ އެތުލެޓިކްސް ޗެމްޕިއަންޝިޕް އައްޑޫ ސިޓީގައި ބާއްވަން ނިންމައިފި އެވެ.

 

މި މުބާރާތް އައްޑޫގައި ބާއްވަން ނިންމާފައިވާއިރު، މުބާރާތާ ބެހޭ ކަންކަމާ ގުޅޭ ގޮތުން އައްޑޫ ސިޓީ ކައުންސިލާ އެތުލެޓިކްސް އެސޯސިއޭޝަން އޮފް މޯލްޑިވްސް އިން ވަނީ މަޝްވަރާކޮށްފައެވެ.

 

މި މުބާރާތުގައި އައްޑޫ، ފުވައްމުލަކުގެ ސްކޫލްތަކުން ވާދަކުރާއިރު، ހުވަދޫގެ ސްކޫލްތައްވެސް ހިމެނިގެންދާނެ އެވެ. މުބާރާތް ބޭއްވުމަށް ހަމަޖެހިފައިވަނީ އަންނަ މާޗު މަހު ހިތަދޫ ޒޯން ސްޓޭޑިއަމްގައެވެ.

 

މުބާރާތަށް ތައްޔާރުވުމަށް ކޮންމެ ސްކޫލަކަށް ވެސް ދެ މަހެއްހާ ދުވަސް ލިބިފައިވާއިރު، މުބާރާތް ކުރިއަށް ގެންދިއުމަށް ކުރަންޖެހޭ މަސައްކަތަށް އެތުލެޓިކްސް އެސޯސިއޭޝަންގެ އިސް ބޭފުޅުން ހިމެނޭ ޓީމެއް ވަނީ އައްޑޫ ސިޓީ އަށް ވަޑައިގެންފައެވެ. 

 

ކޮންމެ އަހަރަކު ވެސް ބާއްވަމުން އަންނަ މި މުބާރާތް އެންމެ ފަހުން ބާއްވާފައިވަނީ ހއ. ކުޅުދުއްފުށީގައެވެ. އެގޮތުން މިދިޔަ ފަހަރުވެސް ކުޅުދުއްފުށީގައި ބޭއްވި އެ މުބާރާތް ބާއްވާ ނިންމާލީ ވަރަށް ކާމިޔާބުކަމާއެކުގައެވެ.

 

އެފަހަރު ރާއްޖޭގެ އުތުރާއި ދެކުނުން ތިން ކްލަބާއި 11 ސްކޫލަކުން ތިން އުމުރުފުރާގެ ދެ ޖިންސްގައި 33 ޓީމް ވަނީ ވާދަކޮށްފައެވެ. މީގެއިތުރުން އެ މުބާރާތުގައި ޖުމްލަ 275 އެތުލީޓުން ވަނީ ވާދަކޮށްފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް