އިޒްރޭލު ހިމާޔަތް ކުރަން އެމެރިކާއިން B-52ގެ ބޯޓުތައް ފޮނުވަނީ
މިއީ އަބްރަހަމް ލިންކަން ކެރިއަރ ސްޓްރައިކް ގްރޫޕް އެ ސަރަޙައްދުން ފުރުމަށް ތައްޔާރުވަމުންދާތީ އަސްކަރީ ވަސީލަތްތައް އަލުން ރޭވުމަށް ކުރާ މަސައްކަތެއް ކަމަށާއި އުޅަނދުތައް ފޮނުވުމުގެ މަސައްކަތްތައް ކުރިއަށް އޮތް މަހުގައި ކުރިއަށްދާނެކަމަށް ޕެންޓެގަނުން ބުނެފައިވެއެވެ.
އޭޖީއެމް-86ބީ އެއަރ-ލޯންޗްޑް ކްރޫޒް މިސައިލެއް
އީރާނުން އިޒްރޭލަށް ދީފާނެ ހަމަލާ އަކުން އިޒްރޭލް ހިމާޔާތް ކޮށްދޭން އިޒްރޭލުގެ އެންމެ ގާތް އެކުވެރިޔާ އެމެރިކާ އިން B-52ގެ ހަނގުރާމަ މަތީ ބޯޓުތައް މެދުއިރުމައްޗަށް ފޮނުވަން ނިންމައިފިއެވެ.
މިކަމާ ގުޅިގެން ފެންޓަގަނުން ނެރުނު ބަޔާނެއްގައި ބުނެފައިވަނީ މެދުއިރުމައްޗަށް ފޮނުވަން ނިންމި އުޅަނދުތަކުގެ ތެރޭގައި ފައިޓަރު ޖެޓްތަކާއި ޓޭންކަރުތައް ވެސް ހިމެނޭ ކަމަށެވެ. އަދި މިއީ އަބްރަހަމް ލިންކަން ކެރިއަރ ސްޓްރައިކް ގްރޫޕް އެ ސަރަޙައްދުން ފުރުމަށް ތައްޔާރުވަމުންދާތީ އަސްކަރީ ވަސީލަތްތައް އަލުން ރޭވުމަށް ކުރާ މަސައްކަތެއް ކަމަށާއި އުޅަނދުތައް ފޮނުވުމުގެ މަސައްކަތްތައް ކުރިއަށް އޮތް މަހުގައި ކުރިއަށްދާނެ ކަމަށް ބަޔާނުގައި ފާހަގަކޮށްފައިވެއެވެ.
"އިރާނުން ނުވަތަ އީރާނުގެ ބައިވެރިންނާ މި ވަގުތުގެ ބޭނުން ހިފައިގެން މި ސަރަޙައްދުގައި ތިބި އެމެރިކާގެ ފައުޖުތަކަށް ނުވަތަ މަސްލަހަތުތަކަށް އަމާޒުކޮށް ހަމަލާދީފިނަމަ، އެމެރިކާގެ މީހުން ދިފާޢުކުރުމަށް އެމެރިކާއިން އަޅަންޖެހޭ ހުރިހާ ފިޔަވަޅެއް އަޅާނެ،" ކަމަށް ޕެންޓަގަންގެ ތަރުޖަމާނު އެއަރ ފޯސް މޭޖަރ ޖެނެރަލް ޕެޓްރިރިކް ރައިޑަރގެ ބަޔާނުގައި ބުނެފައި ވެއެވެ.
މެދުއިރުމައްޗަށް އެމެރިކާގެ ހަނގުރާމަ މަތީ އުޅަނދުތައް ފޮނުވުމަށް ނިންމާފައި މިވަނީ، މިދިޔަ އޮކްޓޫބަރު މަހު އިޒްރޭލާއި އީރާނާ ދެމެދު ސީދާ ހަމަލާތަކެއް ބަދަލުކުރެވިފައި ވަނިކޮށްނެވެ.
އެމެރިކާއިން ވަނީ އިޒްރޭލަށް އަމާޒުވާ ހަމަލާތަކުން ދިފާޢުވުމަށް އެހީތެރިވުމަށާއި، މެދުއިރުމަތީގައި ތިބި އެމެރިކާގެ ބާރުތައް ރައްކާތެރިކުރާނެ ކަމަށް ތަކުރާރުކޮށް ޔަޤީންކަން ދީފައެވެ. މި ބާރުތަކަށް ވަނީ ސީރިއާ، އިރާޤު، ޖޯޑަން އަދި ޔަމަނުގެ އައްސޭރިފަށުގައި އިރާނުގެ ބާރު ލިބިގެންވާ ގްރޫޕްތަކަށް ހަމަލާދީފައެވެ.
