އިހަވަންދޫ ކައުންސިލް މެމްބަރު އަހުމަދު ރަހީނުކޮށް ފޭރުނު މައްސަލައިގައި ދައުވާކުރަން ހުށަހަޅައިފި
އެމީހާއަށް ވަޅިން ބިރުދައްކައި ބަރަހަނާކޮށް، އަނިޔާކޮށް، އޭނާގެ މޯބައިލް ފޯނުއަތުލައި އޭނާގެ ބެންކު އެކައުންޓުން ފައިސާ ޓްރާންސްފަރ ކުރުވާފައިވޭ
އިހަވަންދޫ ކައުންސިލް މެމްބަރު އަހުމަދު ރިޟްވާން ރަހީނުކޮށް ފޭރުނު މައްސަލައިގައި ހައްޔަރުކުރި މީހުން
މާލޭ ގެއަކަށް މީހަކު ވައްދައި އަނިޔާކޮށް، ފޭރުނު މައްސަލައެއްގައި ދަޢުވާކުރަން ހުށަހަޅައިފިއެވެ.
ޕްރޮސެކިއުޓަރ ޖެނެރަލްގެ އޮފީހުން ބުނީ 24 ޖުލައި 2024 ދުވަހުގެ ވަގުތެއްގައި ދިލްބަހާރުމަގު މއ. މަސްފަން ގެ ކައިރީގައި ހުރި މީހަކަށް ގޮވައި އޭނާ މަސްފަންއަށް ވައްދައި ވަޅިން ބިރު ދައްކާ، ބަރަހަނާކޮށް، އަނިޔާކޮށް، އޭނާގެ ފޯނު އަތުލައި އޭނާގެ އެކައުންޓުން ފައިސާ ޓްރާންސްފަރކޮށް އަދި އޭނާގެ ކޭޝް ކާޑް ބޭނުންކޮށްގެން އޭޓީއެމްއިން ފައިސާ ނަގާފައިވާ މައްސަލައިގައި ދަޢުވާތައް ކުރުމަށް ސެޕްޓެމްބަރު 23 ގައި ހުށަހަޅާފައިވާ ކަމަށެވެ.
ހއ.އަތޮޅު އިހަވަންދޫ ކައުންސިލް މެމްބަރު އަހުމަދު ރިޟްވާން ރަހީނުކޮށް އޭނާގެ އަތުން ފޭރުނު މައްސަލައިގެ ތަހުގީގު ނިންމައި ދައުވާ ކުރަން އެދި ޕީޖީ އޮފީހަށް ފޮނުވާފައިވަނީ ސެޕްޓެމްބަރު 16 ވަނަ ދުވަހުއެވެ.
އަހުމަދަށް ބިރު ދައްކައި ފޭރުމަށް މަސައްކަތް ކޮށް، ފޯނާއި ވޮލެޓު އަތުލައި، އޭނާގެ އެކައުންޓުން 20،000 ރުފިޔާ އެހެން އެކައުންޓަކަށް ޓްރާންސްފަރ ކޮށްފައިވެއެވެ.
