ނައިޖީރިޔާގައި ހަށިގަނޑު ގޮއްވާލައިގެން ދިން ހަމަލާއެއްގައި މަދުވެގެން 27 މީހަކު މަރުވެއްޖެ
ހަމަލާ ދިނުމުގައި ބައިވެރިވީ އަންހެނުންތަކެއް
ނައިޖީރިޔާގެ ސިފައިންނަށް ވަނީ މައިޑުގުރި ސިޓީގައި ހަނގުރާމަވެރިން ދޭ ހަމަލާތައް ހުއްޓާލަން ނުކުޅެދިފައި
ނައިޖީރިއާގެ އުތުރު-އިރުމަތީ ސަރަހައްދެއްގައި ހަށިގަނޑުގައި ބޮން ހަރުކޮށްގެން ދިން ހަމަލާއެއްގައި މަދުވެގެން 27 މީހަކު މަރުވެއްޖެއެވެ.
އަންހެނުންްތަކެއް މި ހަަމަލާ ދީފައި ވަނީ ބޯނޯ ސްޓޭޓްގެ މައިޑުގުރި ސިޓީގެ ކޭމްޕެއް ކައިރީއެވެ. މި ހަމަލާގައި ޒަޚަމްވި މީހުންގެ އަދަދެއް ސީދާ ނޭނގެއެވެ. އެހެން ނަަމަވެސް ގިނަ ބަޔަކު ޒަޚަމްވި ކަމަށް ރިޕޯޓުތައް ބުނެއެވެ.
މައިޑުގުރި ސިޓީއަކީ ހަނގުރާމަވެރި ޖަމާއަތެއް ކަމަށްވާ ބޯކޯ ހަރާމްގެ ބާރު ވަރަށް ގަދަ ސަރަހައްދެކެވެ. އަދި މި ފަހަކަށް އައިސް އެ ސަރަހައްދުގައި ހަމަނުޖެހުން ވަނީ ބޮޑުވެފައެވެ.
މިދިޔަަ އަހަރު ނައިޖީރިއާގެ ސަރުކާރުން ބުނެފައި ވަނީ ބޯކޯ ހަރާމްގެ ހަނގުރާމަވެރިން ބަލިކޮށްފައިވާ ކަމަށެވެ.
މަސްރަހު ދިރާސާ ކުރާ ފަރާތްތަކުން ބުނަމުން ދަނީ ހަނގުރާމަވެރިން ދޭ ހަަމަލާތައް ހުއްޓުވަން ނައިޖީރިއާގެ އަސްކަރިއްޔާ ވަރަށް ބޮޑަށް ނުކުޅެދިފައިވާ ކަމަށެވެ.
