މާރަންދޫ ކައުންސިލްގެ ގޮނޑި ވެރިކަންކުރާ ޕީއެންސީން ކާމިޔާބުކޮށްފި
ޕީއެންސީގެ ކެންޑިޑޭޓް އަބްދުލްހަމީދު އަބްދުއްސައްތާރަށް ލިބިވަޑައިގަތީ 285 ވޯޓު
މާރަންދޫ ކައުންސިލްގެ ގޮނޑި ކާމިޔާބުކުރެއްވި އަބްދުލްހަމީދު އަބްދުއްސައްތާރު
ހއ. މާރަންދޫ ކައުންސިލްގެ ގޮނޑި ވެރިކަންކުރާ ޕީއެންސީން ކާމިޔާބުކޮށްފިއެވެ.
ހޮނިހިރު ދުވަހު ބޭއްވި ބައި އިލެކްޝަންގައި މި ގޮނޑި ވެރިކަން ކުރާ ޕީއެންސީން ކާމިޔާބު ކުރީ 35 ވޯޓުގެ ތަފާތަކުން އިދިކޮޅު މައި ސިޔާސީ ޕާޓީ އެމްޑީޕީގެ ކެންޑިޑޭޓާއި ވާދަކޮށެވެ.
ވަގުތީ ނަތީޖާ ދައްކާގޮތުން ޕީއެންސީގެ ކެންޑިޑޭޓް އަބްދުލްހަމީދު އަބްދުއްސައްތާރަށް ލިބިވަޑައިގަތީ 285 ވޯޓެވެ. އެމްޑީޕީގެ ކެންޑިޑޭޓް ޝިހާމް މުހައްމަދު އަށް ލިބިވަޑައިގަތީ 250 ވޯޓެވެ.
ބާތިލް 5 ވޯޓު ހިމެނޭ އިރު ޖުމްލަ ވޯޓު ލާފައިވަނީ 470 މީހުންނެވެ. މި އިންތިހާބުގައި ވޯޓުލުމުގެ ހައްގު ލިބިފައިވަނީ 736 މީހުންނެވެ. އެއީ 354 އަންހެނުންނާއި، 382 ފިރިހެނުންނެވެ.
