އައްޑޫ ސިޓީގެ ހަތް ގޮނޑި ހޯދާނަން:ސޯބެ
9 މާރިޗު 2017 | ބުރާސްފަތި 22:18ވޯޓް ދޭން ޖެހޭ ލާމަރުކަޒީ ނިޒާމު ސާބިތުކަމާއެކު ދިފާއު ކުރުމަށް
އައްޑޫ ސިޓީގެ މޭޔަރު އަބްދުﷲ ސޯދިގް
ލޯކަލް ކައުންސިލް އިންތިހާބުގެ އައްޑޫ ސިޓީގެ 7 ގޮނޑި ވެސް އެމްޑީޕީން ކާމިޔާބު ކުރާނެ ކަމަށް، އައްޑޫ ސިޓީގެ މޭޔަރު އަބްދުﷲ ސޯދިގް ވިދާޅުވެއްޖެ އެވެ.
ކައުންސިލް އިންތިހާބުގެ ކެމްޕޭން ރަސްމީކޮށް ފެށުމަށް އެމްޔޫއޯއިން ބޭއްވި ޖަލްސާގައި ސޯބެ ވިދާޅުވީ އެމްޑީޕީގެ މެމްބަރުންނަށް ވޯޓް ދޭން ޖެހޭ ލާމަރުކަޒީ ނިޒާމު ސާބިތުކަމާއެކު ދިފާއު ކުރުމަށް ކަމަށެވެ.
ލޯކަލް ކައުންސިލް އިންތިހާބުގެ ކެމްޕޭން ރަސްމީކޮށް ފެށުމަށް އެމްޔޫއޯއިން ބޭއްވި ޖަލްސާގައި ސޯބެ ވިދާޅުވީ އެމްޑީޕީގެ މެމްބަރުންނަށް ވޯޓް ދޭން ޖެހޭ ލާމަރުކަޒީ ނިޒާމު ސާބިތުކަމާއެކު ދިފާއު ކުރުމަށް ކަމަށެވެ.
ރައީސް އަބްދުﷲ ޔާމީންގެ ސަރުކާރުން ވަނީ ލާމަރުކަޒީ ނިޒާމު ހަލާކުކޮށްލާފައި ކަމަށާއި ކައުންސިލްތަކުގެ ބާރު ވެސް ކަނޑުވާލާފައި ކަމަށެވެ. ޕީޕީއެމްގެ ފަރާތުން އައްޑޫ ކައުންސިލަށް ވާދަކުރެއްވިއިރު، މި ކައުންސިލަށް ހަމައެކަނި އޮތް ބާރަކީ އުފަންދުވަހުގެ ސެޓްފިކެޓް ހައްދައިދިނުން ކަމަށް ސޯބެ ވިދާޅުވި އެވެ.
އެހެން ބާރުތައް ގާނޫނަށް ބަދަލު ގެނެސްގެން ނަގާފައިވާ ކަމަށް ސޯބެ ވިދާޅުވި އެވެ. ޕީޕީއެމްގެ މެމްބަރުންނަށް ވޯޓް ދެއްވައިފި ނަމަ، އެ މެމްބަރުން ކުރައްވާނެ ކަމަކީ ސަރުކާރުން ބޭނުންވާ ގޮތަށް އުފަންދުވަހުގެ ސެޓްފިކެޓް ހައްދަވައި ދިނުން ކަމަށް ވެސް އޭނާ ވިދާޅުވި އެވެ.
