ހުޅުމާލޭގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފި
11 ސެޕްޓެމްބަރު 2024 | ބުދަ 04:20އެކްސިޑެންޓުގައި ސައިކަލު ދުއްވި މީހާގެ ގައިގެ ބައެއް ތަންތަނުން ހަން މެށިފައިވާ
ހުޅުމާލެ ދެވަނަ ފިޔަވަހީގައި މީގެ ކުރިން ހިނގާފައިވާ އެކްސިޑެންޓެއް (ފައިލް ފޮޓޯ)
ހުޅުމާލެ ފޭސް 1 އާއި 2 ގެ ބްރިޖް ކައިރީގައި ކާރަކާއި ސައިކަލެއް ޖެހި އެކްސިޑެންޓެއް ހިނގައިފި އެވެ.
ފުލުހުން ބުނީ މި ހާދިސާ ހިނގާފައިވާ ކަމަށް ރިޕޯޓްކޮށްފައިވަނީ ބުދަ ދުވަހުގެ ހެނދުނު ކަމަށެވެ. އަދި މި އެކްސިޑެންޓުގައި ސައިކަލު ދުއްވި މީހާގެ ގައިގެ ބައެއް ތަންތަނުން ހަން މެށިފައިވާ ކަމަށް ފުލުހުން މަޢުލޫމާތު ދީފައިވެއެވެ.
މި އެކްސިޑެންޓާ ގުޅިގެން ބަލަންޖެހޭ ކަންކަން ބަލަމުންދާ ކަމަށް ފުލުހުން ބުނެފައިވެއެވެ.
ފަހަކަށް އައިސް މަގުމަތީގެ އެކްސިޑެންޓްތައް ދަނީ އިތުރުވަމުންނެވެ. މިފަދަ އެކްސިޑެންޓްތަކުގައި ފާއިތުވި ހަފްތާގައި ވެސް ދެ މީހަކު ވަނީ މަރުވެފައެވެ.
މިކަމާ ގުޅިގެން ސަރުކާރުން ވަނީ މަގުމަތީގެ ސަލާމަތާއި ރައްކާތެރިކަން އިތުރުކުރުމަށް އިތުރު ފިޔަވަޅުތަކެއް ވެސް އަޅާފައެވެ.
މަގުމަތީގެ ސަލާމަތާއި ރައްކާތެރިކަމަށް އިތުރު ސަމާލުކަމެއް ދިނުމަށް ފުލުހުން ވަނީ އާންމުންނަށް އިލްތިމާސް ކޮށްފައެވެ.
