ބޯޓަކުން ބައިލައްކަ ރުފިޔާގެ ރިހާކުރު ޓައްޕުތަކެއް ވަގަށް ނަގައި، މީހަކަށް ވިއްކާލާފައިވަނިކޮށް އެ ހޯދައިފި
މިތަކެތި ހުރީ ގެއެއްގެ ތެރޭގައި ފޮރުވާފައި
ނޯތު ހާބަރު އަދި މާރުކޭޓް ސަރަހައްދު
ބޯޓަކުން ބައިލައްކަ ރުފިޔާގެ ރިހާކުރު ޓައްޕުތަކެއް ވަގަށް ނަގައި، މީހަކަށް ވިއްކާލާފައިވަނިކޮށް ފުލުހުން އެ ހޯދައިފި އެވެ.
ފުލުހުން ބުނީ ނޯތު ހާބަރުގައި އޮތް ބޯޓަކުން ރިހާކުރު ޓައްޕުތަކެއް ވަގަށް ނަގާފައިވާ މައްސަލައެއް 23 އޯގަސްޓް 2024 ވީ ހުކުރު ދުވަހު ރިޕޯޓު ކޮށްފައިވާ ކަމަށެވެ.
ފުލުހުން ބުނީ މިމައްސަލައާ ގުޅިގެން އެތަކެތި ހޯދުމަށް ސީސީޓީވީ ފުޓޭޖް ބަލައި ދެނެގަނެ ފުލުހުން ކުރި މަސައްކަތުން ރިހާކުރު ޓައްޕުތައް ހޯދާފައިވާ ކަމަށެވެ. އަދި މި ތަކެތި ހޯދާފައިވަނީ މީހަކަށް ވިއްކާލާ ގެއެއްގެ ތެރޭގައި ފޮރުވާފައި ހުއްޓާ ކަމަށް ފުލުހުން ބުނެއެވެ.
މީގެ އިތުރުން ފުލުހުން ބުނީ ރިހާކުރު ޓައްޕުތަކުގެ އަގު 50،000 ރުފިޔާއަށް އަރާނެ ކަމަށް ވެރިފަރާތުން މައުލޫމާތު ދީފައިވާ ކަމަށެވެ.
މި މައްސަލައާ ގުޅިގެން މީހަކު ހައްޔަރުކޮށްފައިނުވެއެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
