ބްރިޖު ލައިޓް ކައިރިން އެކްސިޑެންޓެއްވެ 3 މީހަކަށް ފަރުވާދެނީ
އެކްސިޑެންޓުގައި އަނިޔާވީ 2 ސައިކަލުގައި ތިބި 3 މީހަކަށް
ސިނަމާލެ ބުރިޖު ލައިޓް ކައިރި - މިތަނުގައި ހިނގި އެކްސިޑެންޓުގައި 3 މީހަކަށް ދަނީ ފަރުވާ ދެމުން
ސިނަމާލެ ބްރިޖު ކައިރިން އެކްސިޑެންޓެއްވެ 3 މީހަކަށް ފަަރުވާދެމުން އަންނަ ކަމަށް ފުލުހުން ބުނެފިއެވެ.
ފުލުހުން ބުނީ ބްރިޖު ލައިޓް ކައިރިން ދެ ސައިކަލެއްޖެހި އެކްސިޑެންޓެއް ހިނގާފައިވާ ކަމަށް ފަތިހު 5:26 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.
އަދި މި އެކްސިޑެންޓުގައި އަނިޔާވި ތިން މީހުންގެ ތެރެއިން، އެތަނުން އެއް ސައިކަލް ދުއްވި 21 އަހަރުގެ ފިރިހެން މީހާ އާއި އެ ސައިކަލުގެ ފަހަތުގައި އިން 19 އަހަރުގެ އަންހެން މީހާއަށް ފަރުވާދެމުން ދަނީ އައިޖީއެމްއެޗްގައި ކަމަށެވެ. އަދި އަނެއް ސައިކަލު ދުއްވި 43 އަހަރުގެ ފިރިހެން މީހާ އަށް ފަރުވާދެމުންދަނީ އޭޑީކޭގައި ކަމަށް ފުލުހުން ބުނެއެވެ.
އަދި އެކްސިޑެންޓުގެ މި މައްސަލަ ފުލުހުން ގެންދަނީ ތަހުގީގުކުރަމުން ކަމަށްވެސް ފުލުހުން ބުނެއެވެ.
