ވިލާ ކޮލެޖުގެ ބެޗްލަރ އޮފް ފާމަސީ ކިޔަވާ ދަރިވަރުން ހުވާކޮށްފި
21 އޯގަސްޓު 2024 | ބުދަ 12:39މިހަފްލާގައި ވިލާ ކޮލެޖުގެ ބެޗެލަރ އޮފް ފާމަސީ ކިޔަވަމުންދާ 22 ދަރިވަރުން ހުވާ ކުރި
ވިލާ ކޮލެޖުގެ ފާރމަސީ ދަރިވަރުން ހުވާ ކުރުމާއި "ވައިޓް ކޯޓް" ޙަވާލުކުރުމުގެ ރަސްމިއްޔާތުގެ ތެރެއިން
ވިލާ ކޮލެޖުގެ ބެޗްލަރ އޮފް ފާމަސީ ކިޔަވާ ދަރިވަރުން ހުވާ ކޮށް، އެ ދަރިވަރުންނަށް ވައިޓް ކޯޓު ޙަވާލުކޮށްފިއެވެ.
މި ހަފްލާ ޝަރަފުވެރި ކޮށްދެއްވީ މިނިސްޓްރީ އޮފް ހެލްތްގެ ޑިރެކްޓަރ ޖެނެރަލް އޮފް ހެލްތް ސާރވިސަސް، ޑރ. އަހުމަދު އަޝްރަފުއެވެ.
ފެކަލްޓީ އޮފް ހެލްތް ސައިންސްގެ ޑީން ޢައިޝަތު މާލާ ދެއްކެވި ވާހަކަފުޅުގައި ފާރމަސިސްޓުންގެ މުހިއްމުކަމާއި މުޖުތަމަޢުގައި އެމީހުންގެ ދައުރު ފާހަގަކުރެއްވި އެވެ. އަދި ކުރިއަރާފައިވާ ޤައުމުތަކުގައި ފާރމަސިސްޓުންގެ ދައުރު ވަރަށް ފުޅާކަމަށާއި، ބޭސް އުފެއްދުމުގައި ވެސް ފާމަސިސްޓުންގެ އަދާ ކުރާ ދައުރު ފާހަގަކުރެއްވިއެވެ.
ބެޗެލަރ އޮފް ފާރމަސީ ދަރިވަރުންނަށް ވައިޓް ކޯޓް ހަވާލުކޮށްދެއްވީ ވިލާ ކޮލެޖުގެ ރެކްޓަރ ޑރ. އަހުމަދު އަންވަރު، ވައިސް ރެކްޓަރ ޑރ. އަލީ ނަޖީބު ވިލާ ކޮލުގެ ފެކަލްޓީ އޮފް ހެލްތް ސައިންސް ގެ ޑީން އައިޝަތު މާލާ އަދި ޝަރަފުވެރި މެހެމާނު، ޑރ. އަހުމަދު އަޝްރަފުއެވެ.
ވައިޓްކޯޓް ހަވާލުކޮށްދެއްވުމަށް ފަހު ދަރިވަރުން ވަނީ ހުވާ ކޮށްފައެވެ. ހުވާ ލައި ދެއްވީ ފެކަލްޓީ އޮފް ހެލްތް ސައިންސަސްގެ ޑީން އައިޝަތު މާލާއެވެ. މި ރަސްމިއްޔާތުގައި ވިލާ ކޮލެޖުގެ ފަރާތުން ހަނދާނީ ހަދިޔާއެއް ޝަރަފުވެރި މެހެމާނަށް އަރުވާފައިވާއިރު، މި ހަދިޔާ ހަވާލުކޮށް ދެއްވީ ވިލާ ކޮލެޖުގެ ރެކްޓަރ ޑރ.އަހުމަދު އަންވަރެވެ.
މި ރަސްމިއްޔާތުގައި ވާހަކަފުޅު ދައްކަވަމުން ޝަރަފުވެރި މެހެމާނު ވިދާޅުވީ ސިއްޙީ ދާއިރާއިން ފަންނީ ބޭފުޅުން އުފެއްދުމަށް ވިލާ ކޮލެޖުން މަސައްކަތްކުރަމުންދާ ކަމަށެވެ.
ވައިސް ރެކްޓަރ ޑރ.ޢަލީ ނަޖީބު ވަނީ މި ރަސްމިއްޔާތުގެ މުހިންމުކަމާއި، ވިލާ ކޮލެޖަކީ ފާމަސީ ދަރިވަރުންނަށް ވައިޓް ކޯޓް ހަވާލު ކުރާ ފުރަތަމަ ތަޢުލީމީ މުއައްސަސާކަން ފާހަގަ ކުރައްވާފައެވެ. ދިވެހިރާއްޖޭގައި
އަދި މި ޕްރޮފެޝަންއަށް ވިލާ ކޮލެޖުން ނިކުމެގެން ދާ ކުދިންނަކީ ޕްރޮފެޝަނަލް މުޖުތަމަޢު ގަބޫލުކުރާ އެތިކަލް ސްޓޭންޑާރޑްސް ތަކަށް ފެތިގެން މަސައްކަތް ކުރާ ކުދިބަޔަކަށް ވުމުގެ މުހިއްމު ކަމާއި އަބަދުވެސް ދަސްކުރާ މީހަކަށްވުމުގެ އަޒުމް އޮންނަން ޖެހޭނެ ބަޔަކަށް ވުމަށް އިލްތިމާސް ކުރެއްވިއެވެ. އަދި މިއަދު ހުވައިންނާއި ވައިޓް ކޯޓުންވެސް އެ ހަވާލުކުރެވުނީ ޒިންމާއެއްކަން ފާހަގަ ކުރެއްވިއެވެ.
މިހަފްލާގައި ވިލާ ކޮލެޖުގެ ބެޗެލަރ އޮފް ފާމަސީ ކިޔަވަމުންދާ 22 ދަރިވަރުން ހުވާ ކުރިއެވެ.
