ކުރީގެ ރައީސް އަބްދުﷲ ޔާމީނަކީ ނުހަނު ބޮޑާ، ކިބުރުވެރި އަދި ކަންނެތް މީހެއްކަމަށް ވިދާޅުވެ މިހާރުގެ ޓޫރިޒަމް މިނިސްޓަރު އިބްރާހިމް ފައިސަލް ޔާމީނަށް ވަރަށް ބޮޑަށް ފާޑު ވިދާޅުވެއްޖެއެވެ.
ދެން އޮންލައިން އިން ގެނެސްދޭ ޕޮޑްކާސްޓުގައި ފައިސަލް ވަނީ ކުރީގެ ރައީސް ޔާމީނަށްވެސް ވަރަށް ބޮޑަށް ފާޑުވިދާޅުވެފައެވެ. އެގޮތުން ރައީސް ޔާމީނު އުޅުއްވަނީ ރައީސް ޑރ މުޙައްމަދު މުއިއްޒު ވެރިކަން ކުރައްވާތަން ބައްލަވަން ކެރިވަޑައިނުގެންކަމަށް ފައިސަލް ވިދާޅުވިއެވެ.
ރައީސް ޔާމީނަށް ވެގެން މި އުޅޭ ގޮތަކީ ދިވެހިރާއްޖޭގެ ވެރިކަން އެހެން ބޭފުޅަކު ކުރައްވާތަން، ޚާއްސަކޮށް މި ފިކުރުގެ ތެރެއިން، އަނެއްހެން ސިމްޕަލްކޮށް ބުނާނަމަ، ރައީސް ޑރ މުޙައްމަދު މުއިއްޒުގެ ވެރިކަން ކުރާތަން ބަލަން ހިތަށް ކެތް ނުވެގެން، އަޅުގަނޑުމެން މީގެ ކުރިން ދަންނަ ރައީސް ޔާމީނެއް ނޫން އެއީ އިނގޭތޯ،ޓޫރިޒަމް މިނިސްޓަރު އިބްރާހިމް ފައިސަލް
އޭގެ އިތުރުން، ރައީސް ޔާމީނަކީ އެހެން މީހުންނާ ދޭތެރޭގައި އެއްވެސް ވަރަކަށް އިހުސާންތެރިކަމެއް ހުންނަ ބޭފުޅެއް ނޫންކަމަށްވެސް ފައިސަލް ވިދާޅުވިއެވެ.
ފައިސަލް ސިފަ ކުރައްވާ ގޮތުގައި ރައީސް ޔާމީނަކީ ނުހަނު ބޮޑާ، ކިބުރުވެރި ބޭފުޅެކެވެ.
ރައީސް ޔާމީނަކީ އަޅުގަނޑުމެން ކަހަލަ އާދައިގެ ރަށްރަށުން އަންނަ މީހުންނަށް މި ފުރުސަތު ދޭން ބޭނުން ނުވާ މީހެއް، ރައީސް ޔާމީނަކީ ވަރަށް ބޮޑާ، ކިބުރުވެރި، ފޮނި، ޒާތްކޮޅު ބޮޑު ބޭފުޅެއް، ރަށްރަށުގައި ސަލާމްކޮށް ނިންމާފައި އަތުގައި ދާ ހޭކިގެން އެ ވާހަކަ އަޅުގަނޑުމެން ކައިރީގައި ރައީސް ޔާމީނު ދެއްކެވީ، އެހާ ބޮޑާ ފޮނި ކިބުރުވެރި މީހެއް ރައީސް ޔާމީނަކީޓޫރިޒަމް މިނިސްޓަރު އިބްރާހިމް ފައިސަލް
އޭގެ އިތުރުން، ރައީސް ޔާމީނަކީ އިންތިހާއަށް ކަންނެތް ބޭފުޅެއްކަމަށްވެސް ވިދާޅުވެފައެވެ.
ރައީސް ޔާމީނަކީ އިންތިހާއަށް ކަންނެތް ބޭފުޅެއް، މުޅިންވެސް މީހުން ޔޫސް ކުރާނީޓޫރިޒަމް މިނިސްޓަރު އިބްރާހިމް ފައިސަލް
އެމޭރުމުން ވާހަކަ ދައްކަވަމުން ފައިސަލް ވަނީ ރައީސް ޔާމީނު ކިތަންމެ ނުރުހުންވެވަޑައިގެންނެވި ނަމަވެސް އެ ހުންނެވީ ސިޔާސީ މައިދާނުން އެކަހެރި ކޮށްފައިކަމަށް ވިދާޅުވެފައެވެ.
ރައީސް ޔާމީން ހިނި އަޔަސް، ރުޅި އަޔަސް، ރައީސް ޔާމީނު ތުރުތުރުއެޅިޔަސް މިއަދު ދިވެހިރާއްޖޭގެ ސިޔާސީ މައިދާނުން އެކަހެރި ކޮށްފައި ރައީސް ޔާމީނު އެ ހުރީ، ﷲ އިރާދަފުޅުން ދެން ރައީސް ޔާމީނަށް ދުވަހަކުވެސް ރާއްޖޭގެ ވެރިކަމުގެ ވަސް ދުވާ ހިސާބަކަށްވެސް ނާދެވޭނެޓޫރިޒަމް މިނިސްޓަރު އިބްރާހިމް ފައިސަލް
އެހެންނަމަވެސް ޕީއެންސީ ވެރިކަމަށް އައިއިރު ފައިސަލްވެސް ވަނީ އެކި ޕޯޑިއަމްތަކުގައި ރައީސް ޔާމީނަށް ނުހަނު ތައުރީފުކޮށް ވާހަކަ ދައްކަވާފައެވެ.
