މީގެ 20 އަހަރުކުރިން އޭނާގެ ފައިގައިހުރި ތާޒާ ކަމާއި އޭނާގެ ކިބާގައި ހުރި ވާދަވެރިކަން ނެތިއްޖެކަމަށް ބުނެ ދުނިޔެދުށް އެންމެ މޮޅު އެއް ޓެނިސް ކުޅުންތެރިޔާ ސްޕޭނުގެ ރަފައެލް ނަޑާލް ކުޅުން ހުއްޓާލަން ވިސްނަން ފަށައިފި އެވެ.
އޭނާ މިހެން ބުނީ އޮލިމްޕިކްސްގައި އެންމެ ބޮޑު ވާދަވެރިޔާ ނޮވަކް ޖޮކޮވިޗާ ބައްދަލުކޮށް، އެއްވެސް ވާދަވެރިކަމެއް ނުދެއްކި މުބާރާތުން ކެޓުމުންނެވެ. ނަޑާލްއާ ވާދަކޮށް ޖޮކޮވިޗް ސެޓްތައް ގެންދިޔައީ 6-1 އަދި 6-4 އިންނެވެ. މިއީ ރޮނާލްޑް ގްރޮސްގައި 118 މެޗު ކުޅެން ނަޑާލް ބަލިވި ފަސް ވަނަ މެޗެވެ. ފްރެންޗް އޯޕަން ޗެމްޕިއަންކަން 14 ފަހަރު ހޯދާފައިވާ ކުޅުންތެރިޔާ ބުނީ މެޗުން ބަލިވި މައިގަނޑު ސަބަބަކީ ލިބިފައިވާ އަނިޔާއިން މުޅިން އަރައިގަނެވިފައިނުވުން ކަމަށެވެ. ސިންގަލްސް އިވެންޓުން ކެޓި ނަމަވެސް ޑަބަލްސް މެޗުތަކުގައި ސްޕޭނުގެ ކާލޮސް އަލްކަރާޒްއާއެކު ނަޑާލް މުބާރާތުގައި އަދި ދެމިހުންނާނެ އެވެ.
ނަމަވެސް އޭނާ ބުނީ އޮލިމްޕިކްސް އަށް ފަހު ކުޅުން ހުއްޓާލުމަށް ވަރަށް ބޮޑަށް ވިސްނަމުންދާ ކަމަށެވެ.
މި މުބާރާތް ނިމުމުން އަހަރެން ކޮންމެހެން ނިންމަންޖެހޭ ނިންމުންތައް ނިންމާނަން. އަހަރެން ދަންނަ މީހުންނަށް އެނގޭނެ މިދިޔަ 2 އަހަރު އަހަރެން މިއުޅުނީ އިންޖަރީތަކުން އަރައިނުގަނެކަން. އަހަރެންނަށް ވާދަވެރިކަން މެޗުތަކުގައި ނުދެއްކޭނެ ކަމަށް ގަބޫލުކުރެވިއްޖެނަމަ އަހަރެން ހުއްޓާލާނަން.ދުނިޔޭގެ އެންމެ މޮޅު އެއް ކުޅުންތެރިޔާ ރަފައެލް ނަޑާލް
މި މުބާރާތް ނިމުމުން އަހަރެން ކޮންމެހެން ނިންމަންޖެހޭ ނިންމުންތައް ނިންމާނަން. އަހަރެން ދަންނަ މީހުންނަށް އެނގޭނެ މިދިޔަ 2 އަހަރު އަހަރެން މިއުޅުނީ އިންޖަރީތަކުން އަރައިނުގަނެކަން. އަހަރެންނަށް ވާދަވެރިކަން މެޗުތަކުގައި ނުދެއްކޭނެ ކަމަށް ގަބޫލުކުރެވިއްޖެނަމަ އަހަރެން ހުއްޓާލާނަން.ދުނިޔޭގެ އެންމެ މޮޅު އެއް ކުޅުންތެރިޔާ ރަފައެލް ނަޑާލް
އުމުރުން 38 އަހަރުގެ ކުޅުންތެރިޔާ ބުނީ ޖޮކޮވިޗް އޮލިމްޕިކްސްގައި އޭނާގެ މައްޗަށް ގަދަވެގަތީ އޭނާ އަށް މެޗު ކާމިޔާބު ކުރަން އެއްވެސް ކަމެއް ނުކުރެވުމުން ކަމަށެވެ.
މިކަން މިއޮތީ ވަރަށް ބޮޑަށް ފެންނަން. ޖޮކޮވިޗް އަކީ މެޗުގައި އަހަރެންނަށްވުރެ މާމޮޅު ކުޅުންތެރިއެއް. އެކަން ގަބޫލުކުރަން ޖެހޭނެ. އަހަރެން ބަލިވީ އަހަރެންގެ ކިބާގައި ވާދަވެރިކަން ނެތުމުން.ދުނިޔޭގެ އެންމެ މޮޅު އެއް ކުޅުންތެރިޔާ ރަފައެލް ނަޑާލް
އޭނާ ބުނީ މީގެ 20 އަހަރު ކުރިން އޭނާ ޓެނިސް ކުޅެން ފެށިއިރު ހަށިގަނޑުގައި ހުރި ތާޒާ ކަމާއި އޭނާގެ ކިބައިން ފެނުނު ވާދަވެރިކަމުގެ ރޫހު މިހާރު ނެތްކަން ގަބޫލުކުރެވޭ ކަމަށެވެ.
އަހަރެން މިދިޔަ 2 އަހަރު މި އުޅުނީ ވަރަށް ބޮޑެތި އަނިޔާތަކުގައި. އެކަމުން އަރައި ނުގަނެވި. މީގެ 20 އަހަރު ކުރިން އަހަރެންގެ ފައިގައި ހުރި ހަކަތައެއް މިހާރު ނެތް. އަހަރެންގެ ވާދަވެރިކަން މިހާރު ކުޑަވެއްޖެ. މިކަންކަން އަލުން ނުގެނެވޭނެކަމަށް ގަބޫލު ކުރެވިއްޖެނަމަ އަހަރެން ކުޅުން ހުއްޓާލާނަން. އަހަރެން މިކަމާމެދު ފުންކޮށް ވިސްނާނީ އޮލިމްޕިކްސް އަށް ފަހު.ދުނިޔޭގެ އެންމެ މޮޅު އެއް ކުޅުންތެރިޔާ ރަފައެލް ނަޑާލް
ޓެނިހުގެ ދުނިޔޭގައި ފާއިތުވެދިޔަ 20 އަހަރު އެންމެ ބޮޑު ވާދަވެރިކަމެއް ދެއްކީ ނަޑާލް އާއި ޖޮކޮވިޗެވެ. މިހެންވެ އޭނާގެ ކޯޓާ ވަކިވުމަކީ ގިނަ ބަޔަކު އަދިވެސް އެދޭ ކަމެއްނޫނެވެ. އިއްޔެ ޖޮކޮވިޗާއެކު އޭނާ ކުޅުނު މެޗާއި މުބާރާތުގައި އޭގެ ކުރިން ކުޅުނު މެޗުތައް ބަލަން ސްޕޭނުގެ ޝާހީ އާއިލާގެ މެމްބަރުން ވެސް ވަޑައިގެންނެވި އެވެ.
