ރައީސް ސާލިޙުގެ މަންމާފުޅު ފަސްދާނުލައިފި
ރައީސް ސާލިޙުގެ މަންމާފުޅު އަވަހާރަވެފައިވަނީ ބުރާސްފަތި ދުވަހު އޭޑީކޭ ހޮސްޕިޓަލްގައި
ރައީސް ސާލިޙުގެ މަންމާފުޅު ފަސްދާނުލުން
ކުރީގެ ރައީސް އިބްރާހިމް މުޙައްމަދު ސާލިޙުގެ މަންމާފުޅު މުއުމިނާ ހުސައިން ފުޅު ފަސްދާނުލައިފިއެވެ.
މުއުމިނާ ހުސައިން ފުޅު ފަސްދާނުލާފައި ވަނީ ބުރާސްފަތި ދުވަހުގެ މަޢްރިބް ނަމާދަށްފަހު ގަލޮޅު ސަހަރާގައެވެ.
ކަށުނަމާދު ކުރިއަށް ގެންގޮސްފައި ވަނީ މާލޭގެ އެންމެ ބޮޑު މިސްކިތް، އިސްލާމީ މަރުކަޒުގައެވެ.
މުއުމިނާ ހުސައިން ފުޅު ޖަނާޒާގައި ގިނަ އަދަދެއްގެ އާއްމު ރައްޔިތުން ބައިވެރިވެފައިވާއިރު، ސަރުކާރުގެ އިސްބޭފުޅުންނާއި، ދައުލަތަށް ގިނަ ޚިދުމަތްތަކެއް ކުރެއްވި ބައެއް ބޭފުޅުން އަދި ސިޔާސީ ޕާޓީތަކުގެ އިސް ބޭފުޅުން ބައިވެރިވެވަޑައިގެންނެވިއެވެ.
ރައީސް ސާލިޙުގެ މަންމާފުޅު އަވަހާރަވުމާއި ގުޅިގެން ގިނަ އަދަދެއްގެ އާއްމު ރައްޔިތުންނާއި، ރައީސް ޑރ.މުހައްމަދު މުއިއްޒުގެ އިތުރުން ސިޔާސީ ގިނަ ބޭފުޅުން ވަނީ ރައީސް ސާލިޙަށް ތައުޒިޔާ ކިޔާފައެވެ.
ރައީސް ސާލިޙުގެ މަންމާފުޅު އަވަހާރަވެފައިވަނީ ބުރާސްފަތި ދުވަހު އޭޑީކޭ ހޮސްޕިޓަލްގައެވެ. އަވަހާރަވިއިރު އެކަމަނާގެ އުމުރުފުޅަކީ 80 އަހަރެވެ.
