ގަވީ އަށް ރަސްގެފާނު ދައުވަތެއް، ކޮންމެހެން ވެސް ފައިނަލް މެޗަށް ދާންވާނެ
ތިޔައީ ސްޕޭން ޓީމުގެ މެމްބަރެއް. ފައިނަލް މެޗަށް ދާންވާނެ. ބާލިންއިން ބައްދަލުވާންވާނެ: ރަސްގެފާނު
ސްޕޭނުގެ ރަސްގެފާނު ގަވީގެ ޖާޒީ ހިއްޕަވައިގެން
ސްޕޭނުގެ ބާސެލޯނާގެ މިޑްފީލްޑަރު ގަވީ ޔޫރޯ ފުޓްބޯޅަ މުބާރާތުގެ ފައިނަލް މެޗަށް ދިއުމަށް ސްޕޭނުގެ ރަސްގެފާނު ފިލިޕް ހުއާން ޕަބްލޯ ހާއްސަ ދައުވަތެއް ދެއްވައިފި އެވެ.
މުބާރާތުގެ ފައިނަލް މެޗުގައި ސްޕޭން އާދީއްތަ ދުވަހުގެ ރޭ ނުކުންނާނީ އިންގްލޭންޑާ ދެކޮޅަށެވެ.
ސްޕޭނުގެ ޖިރޯނާގައި ރޭ ބޭއްވި އެވޯޑް ނައިޓެއްގައި ބައިވެރިވަޑައިގަތުމަށްފަހު އެތަނުން ގަވީއާ ބައްދަލުކުރައްވައި ރަސްގެފާނު ވަނީ ގަވީ އަކީ ޓީމުގެ މެމްބަރެއް ކަމަށް ވިދާޅުވެފަ އެވެ.
އުމުރުން 19 އަހަރުގެ ގަވީ އަށް މި ފަހަރުގެ ސްޕޭން ޓީމުން ފުރުސަތު ގެއްލުނީ ބާސެލޯނާ އަށް ކުޅެނިކޮށް އޭނާގެ ފަޔަށް ލިބުނު އަނިޔާގެ ސަބަބުންނެވެ. އޭގެ ކުރިން އޭނާ އަކީ ގައުމީ ޓީމާއި ސްޕޭން ޓީމުގައި މޮޅަށް ކުޅެމުންދިޔަ މުހިންމު ކުޅުންތެރިއެކެވެ.
ރަސްގެފާނުގެ ދައުވަތު ގަވީ ގަބޫލުކުރިކަން ސްޕޭނުގެ މީޑިއާތަކުން އަދި ނުބުނެ އެވެ. ނަމަވެސް ލަފާކުރެވޭނީ އޭނާ ޖަރުމަނަށް ދާނެ ކަމަށެވެ. ސްޕޭން ޓީމުގައި ބާސެލޯނާގައި ގަވީއާއެކު ކުޅޭ ހަތަރު ކުޅުންތެރިއަކު އެބަތިއްބެވެ. އެއީ މިޑްފީލްޑަރު ޕެޑްރީ ގޮންޒާލޭޒް އާއި ލަމީން ޔަމާލް އާއި ފެރަން ޓޮރޭޒެވެ.
