ރާއްޖޭގައި މިހާރު ފަށައިގެން ކުރިޔަށްދާ އޭވީސީ ސެންޓްރަލް ޒޯން ފިރިހެން ވޮލީބޯލް ޗެމްޕިއަންޝިޕްގައި ކިރިގިސްތާން ބަލިކޮށް ތުރުކަމިނިސްތާނުން ފައިނަލުގެ އުންމީދު އާކޮށްފި އެވެ.

ހޮނިހިރު ދުވަހު ހަވީރު ކުޅުނު މި މެޗު ކިރިގިސްތާނާ ވާދަކޮށް ފަހަތުން އަރާ ތުރުކަމިނިސްތާނުން މެޗު ކާމިޔާބުކުރީ ތިން ސެޓް ދެ ސެޓުންނެވެ.

ޒުވާނުންގެ މަރުކަޒު އެތެރޭ ކޯޓުގައި ކުރިޔަށްދިޔަ މި މެޗުގެ ދެ ސެޓް ގެންދިޔައީ ކިރިގިސްތާނުންނެވެ. ކިރިގިސްތާނުން ސެޓްތައް ގެންދިޔައީ 22-25 އަދި 21-25 އިންނެވެ.

އެހެން ނަމަވެސް ތުރުކަމިނިސްތާނުން ވަނީ މެޗުގެ ކުޅުން ރަނގަޅުކޮށް ޖެހިގެން އައި ތިން ސެޓުވެސް ކާމިޔާބުކޮށްފައެވެ. ތުރުކަމިނިސްތާނުން މެޗުގެ ސެޓްތައް ގެންދިޔައީ 20-25، 20-25 އަދި 14-16 އިންނެވެ.

މި ނަތީޖާއާއެކު ސީދާ ފައިނަލުގެ ޖާގައެއް ހޯދުމަށް ކިރިގިސްތާން ނިކުންނާނީ އާދީއްތަ ދުވަހު ރާއްޖެއާ ދެކޮޅަށެވެ. އެހެން ނަމަވެސް ތުރުކަމިނިސްތާން އަށް ނޭޕާލް ބަލިކުރުމަށްފަހު ސެމީގެ ޖާގައެއް ކަށަވަރުކުރެވިދާނެ އެވެ.

މުބާރާތުގައި ލީގު ބުރު ކުޅުމަށްފަހު އެންމެ ގިނަ ޕޮއިންޓް ހޯދާ ޓީމެއް ފައިނަލަށް ދަތުރުކުރާއިރު، ފުލަށްދާ ޓީމެއް މުބާރާތާ އަލްވަދާއު ކިޔާނެއެވެ. އެހެން ނަމަވެސް ދެވަނަ އަދި ތިންވަނަ ޓީމަށް ސެމީ މެޗު ކުޅެގެން ފައިނަލަށް ދަތުރުކުރެވިދާނެ އެވެ.