ސަލާހަކީ އަހަރެންދުށް އެންމެ އަމިއްލަ އެދުންބޮޑު ކުޅުންތެރިޔާ: ސޫނެސް

ލިވަޕޫލްގެ މިސުރު ފޯވަޑް މުހައްމަދު ސަލާހަކީ އޭނާ މިހާތަނަށް ދެކެފައިވާ އެންމެ އަމިއްލަ އެދުން ބޮޑު ކުޅުންތެރިޔާ ކަމަށް ލިވަޕޫލްގެ ކުރީގެ އެއްވަނަ ފޯވަޑް އަދި ކޯޗު ގްރޭމް ސޫނެސް ބުނެފި އެވެ.

އޭނާ މިހެން ބުނީ ހުސްވި ހަފުތާގައި ކޯޗު ޔާގެން ކްލޮޕާއި ސަލާހާ ޖެހުނު މައްސަލަ އާއްމުންނަށް ފެނި އެކަން މީޑިއާތަކުން ރިޕޯޓްކުރަމުންދާއިރު އަންނަ ސީޒަނުގައި ލިވަޕޫލްގައި ސަލާހް ހުރުމާމެދު އޭނާގެ ހިޔާލު ފާޅު ކުރަމުންނެވެ.

އޭނާ ބުނީ ސަލާހަކީ މޮޅު ކުޅުންތެރިއެއް ކަމަށާއި ލިވަޕޫލަށް ވަރަށް އަގުހުރި ހިދުމަތްކޮށްދީ އެތައް ގޯލެއް ޖަހާފައިވާ ކުޅަދާނަ ފޯވަޑެއް ކަމަށެވެ. ނަމަވެސް މިވަގުތު އެންމެ ރަނގަޅު ގޮތަކީ އަންނަ ސީޒަނުގައި މަޑުނުކޮށް ސައޫދީ ލީގަށް ބަދަލުވުން ކަމަށެވެ.

އޭނާ އަދި ބުނީ ކުޅުންތެރިން ބަދަލު ކުރުމުން ރުޅި އައުމަކީ އެއްގޮތަކުން ރަނގަޅެއް ކަމަށާއި ނަމަވެސް އެކަން ކުރަންވާނީ ކޯޗާއި އެހެންމީހުންނަށް އިހްތިރާމް ކުރާ ފަދަ ގޮތަކަށް ކަމަށެވެ.

ސޫނެސް އަކީ 1978 އިން 1984 އަށް ލިވަޕޫލަށް ކުޅެ 247 މެޗުން 38 ގޯލު ޖެހި ކުޅުންތެރިއެކެވެ. މި ދުވަސްވަރު ލިވަޕޫލް ވަނީ އިނގިރޭސި ލީގު ހަތަރު ފަހަރު އަދި ޔޫރަޕުގެ ތަށި ތިން ފަހަރު ހޯދައިފަ އެވެ. އޭނާ ވަނީ 1991 އިން 1994 އަށް ލިވަޕޫލަށް ކޯޗުކޮށްދީ ލިވަޕޫލަށް އެފްއޭކަޕް ކާމިޔާބުކޮށްދީފަ އެވެ.