މައިލޯ ފިއެސްޓާގެ ޗެމްޕިއަންކަން ސަސް އެކެޑަމީ އަށް

ހޮނިހިރު ދުވަހު ނިމުނު 10 އަހަރުން ދަށުގެ މައިލޯ ފިއެސްޓާގެ ޗެމްޕިއަންކަން ސަސް އެކެޑަމީން ހޯދައިފި އެވެ.

މިއީ ސޮކަ ވެޓަރަންސް އެސޯސިއޭޝަނުން އިސްނަގައިގެން ބޭއްވި ފިއެސްޓާ އެކެވެ. ފައިނަލްގައި ސަސް އެކެޑަމީން ވާދަކޮށްފައި ވަނީ ފުރެންޑްސް ފުޓްބޯލް ފެމެލީ އެކެޑަމީއާ އެވެ. ފައިނަލް މެޗު ސަސް އެކެޑަމީން ކާމިޔާބު ކޮށްފައި ވަނީ 4-0 އިންނެވެ.

ފިއެސްޓާގެ ދެ ވަނަ ފުރެންޑްސް ފުޓްބޯލް ފެމެލީ އެކެޑަމީން ހޯދިއިރު، ތިން ވަނަ ހޯދީ ވެލެންސިއާ އިންނެވެ.

މިއަހަރުގެ ފިއެސްޓާގައި ޖުމުލަ 23 އެކެޑަމީއަކުން ވަނީ، 31 ޓީމު ވާދަކޮށްފަ އެވެ. އެއީ މާލޭ ސަރަހައްދުގެ އިތުރުން އަތޮޅު ތެރެއަށް ނިސްބަތްވާ އެކެޑަމީތަކާ ވެސް އެކު އެވެ. މިއީ އެކެޑަމީތަކަށް ޚާއްސަކޮށްގެން ސޮކަ ވެޓަރަންސް އެސޯސިއޭޝަނުން މި ފިއެސްޓާ ކުރިއަށް ގެންދިޔަ ތިން ވަނަ އަހަރެވެ.