ކ. މާލެ
|
23 އޭޕްރިލް 2024 | އަންގާރަ 09:15
ލީގު ޗެމްޕިއަންކަން ހޯދުމަށް ފަހު އިންޓަގެ ކުޅުންތެރިން އުފާ ފާޅު ކުރަނީ
ލީގު ޗެމްޕިއަންކަން ހޯދުމަށް ފަހު އިންޓަގެ ކުޅުންތެރިން އުފާ ފާޅު ކުރަނީ
ރޮއިޓާސް
އިޓާލިއަން ލީގު
އިންޓަ އިން ލީގު ކާމިޔާބުކޮށްފި
 
މިއީ އިންޓަ އިން އިޓާލިއަން ލީގު ކާމިޔާބު ކުރި 20 ވަނަ ފަހަރު

އިޓާލިއަން ލީގުގައި އޭސީ މިލާނާ ދެކޮޅަށް ކުޅުނު މެޗުން މޮޅުވެ، އިންޓަ މިލާނުން ލީގު ޗެމްޕިއަންކަން ހޯދައިފި އެވެ.

ހޯމަ ދުވަހުގެ ރޭ މިލާންގެ އަމިއްލަ ދަނޑުގައި ކުޅުނު މެޗު އިންޓަ އިން ކާމިޔާބު ކުރީ 2-1 އިންނެވެ. މެޗު ފަށައިގެން 18 ވަނަ މިނެޓުގައި އިންޓަ އިން ވަނީ ލަނޑު ޖަހައި ލީޑު ނަގައިފަ އެވެ. އެ ޓީމަށް ލީޑު ނަގައިދިނީ ފްރެންޗެސްކޯ އަސާބީ އެވެ. އޭނާ އެ ލަނޑު ޖަހަން ފުރުސަތު ތަނަވަސްކޮށްދިނީ ބެންޖަމިން ޕަވާޑް އެވެ. ދެ ވަނަ ހާފު ފަށައިގެން ހަތަރު ވަނަ މިނެޓުގައި މާކަސް ތުރަމް ވަނީ އިންޓަގެ ދެ ވަނަ ލަނޑު ޖަހައިފަ އެވެ. މެޗުގައި މިލާންގެ ހަމައެކަނި ލަނޑު މެޗުގެ 80 ވަނަ މިނެޓުގައި ޖެހީ ފިކާޔޯ ޓޮމޮރީ އެވެ.

މިއީ އިންޓަ އިން އިޓާލިއަން ލީގު ކާމިޔާބު ކުރި 20 ވަނަ ފަހަރެވެ. ލީގުގައި ބާކީ ފަސް މެޗު އޮއްވާ އިންޓަ އިން ލީގު ޗެމްޕިއަންކަން ހޯދިއިރު، މި ސީޒަންގެ ލީގުގައި އެ ޓީމު ބަލިވެފައި ވަނީ އެންމެ މެޗަކުންނެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: މަރްޔަމް ދާނިޝް ނަޝީދު
0%
0%
0%
0%
0%
0%
ކޮމެންޓް