މި އަހަރު ޖުލައި މަހު އޮންނަ އޮލިމްޕިކްސް ފުޓްބޯޅަ މުބާރާތުގައި އާޖެންޓީނާގެ ކެޕްޓަން ލަޔޮނަލް މެސީ ފެނުން ގާތް ނޫން ކަމަށް ކޯޗު ހާވިއާ މަޝެރާނޯ ބުނެފި އެވެ.

އާޖެންޓީނާގެ އޮލިމްޕިކް ޓީމަކީ 23 އަހަރުން ދަށުގެ ޓީމެވެ. ނަމަވެސް މި ޓީމުގައި އުމުރުން ދޮށީ ތިން ކުޅުންތެރިއަކަށް ކުޅުމުގެ ފުރުސަތު ލިބެ އެވެ. އާޖެންޓީނާއިން މިހާތަނަށް އުއްމީދުކޮށްގެން ތިބީ މެސީ މި ޓީމުގައި ކުޅުވުމަށެވެ. އޭނާއާއެކު އެންހެން ޑިމާރިއާ އާއި ކީޕަރު މާޓިނޭޒަށް ފުރުސަތުދޭން ވަނީ ވިސްނާފަ އެވެ.

ނަމަވެސް މަޝެރާނޯ ބުނީ ޖުލައި 26ގައި ފަށާ މުބާރާތުގައި މެސީ ފެނުން ދުރު ކަމަށެވެ.

އޭނާ ބުނީ ޖޫން 11ހައި ފަށައި ޖުލައި 20ގައި ނިންމާ ކޮޕާ އެމެރިކޭ ފުޓްބޯޅަ މުބާރާތުގައި އާޖެންޓީނާގެ ސީނިއާ ޓީމަށް މެސީ ކުޅޭނެ ކަމަށެވެ. އަދި އެ މުބާރާތް ނިންމާފައި ހަ ދުވަސް ތެރޭގައި އޮލިމްޕިކްސްގައި ކުޅެން މެސީގެ ކިބާގައި ޖޯރު ހުންނާނެ ކަމާމެދު އިތުރަށް ވިސްނަން ޖެހޭ ކަމަށެވެ.

މެސީ އާއި މަޝެރާނޯ އަކީ އެކުގައި ގައުމީ ޓީމާއި ބާސެލޯނާ އަށް ކުޅުނު ދެ ކުޅުންތެރިންނެވެ.