ޖެނުއަރީ މަހު، ގެވެށި އަނިޔާއާ ގުޅޭ 8 މައްސަލައެއް ފެމިލީ ކޯޓަށް ހުށަހަޅާފައިވާކަމަށް އެ ކޯޓުން ބުނެފިއެވެ.

ފެމިލީ ކޯޓުން ވަނީ އެ ކޯޓުގެ ތަފާސްހިސާބުތައް އާންމުކޮށްފައެވެ.

ތަފާސްހިސާބުތައް ދައްކާގޮތުގައި ޖެނުއަރީ މަހު ގެވެށި އަނިޔާއާ ގުޅޭ 8 މައްސަލައެއް ހުށަހަޅާފައިވާއިރު، ރައްކާތެރި ކުރުމުގެ އަވަސް އަމުރުގެ ގޮތުގައި 6 އަމުރެއް ވަނީ ނެރެދީފައެވެ.

ޑިސެމްބަރު މަހުގެ މައްސަލަތަކުގެ ތެރެއިން 6 މައްސަލައެއް ޖެނުއަރީ މަހާ ހަމައަށް އައިއިރު ނުނިމި ހުއްޓެވެ.

މީގެ އިތުރުން، އޯގަސްޓު މަހު ފެމިލީ ކޯޓަށް ހުށަހަޅާފައިވާ މައްސަލަތަކުގެ ތެރެއިން 88 އިންސައްތަ މައްސަލައަކީ އަންހެނުން ހުށަހަޅާފައިވާ މައްސަލަކަމަށްވެސް އެ ކޯޓުން މައުލޫމާތު ދެއެވެ.

ކައިވެންޏާއި ވަރީގެ ތަފާސްހިސާބުތަކަށް ބަލާއިރު، ޖެނުއަރީ މަހު ވަނީ 174 ކައިވެނި ކޮށްދީފައެވެ.

ވަރީގެ މައްސަލަތަކަށް ބަލާއިރު، 88 ވަރި ކޮށްދީފައިވެއެވެ.