ހިތަދޫ މެދު ދާއިރާގެ މެމްބަރ ނަން އަނބުރާ ނަންގަވައިފި
17 ފެބުރުއަރީ 2024 | ހޮނިހިރު 00:41ފޯމު ހުށަހެޅި މީހުންގެ ތެރެއިން ޝަރުތު ހަމަވީ 372 ކެންޑިޑޭޓުންގެ
ހިތަދޫ މެދު ދާއިރާގެ މެމްބަރ އަހުމަދު ރަޝީދު
ހިތަދޫ މެދު ދާއިރާގެ މެމްބަރ އަހުމަދު ރަޝީދު ކުރިޔަށް އޮތް ރައްޔިތުންގެ މަޖިލީހުގެ އިންތިޚާބުގައި ވާދަކުރެއްވުމަށް ހުށަހެޅުއްވުމަށްފަހު ނަން އަނބުރާ ނަންގަވައިފިއެވެ.
އިލެކްޝަންސް ކޮމިޝަން (އީސީ)ގެ ނައިބު ރައީސް އިސްމާއިލް ހަބީބް އެކްސްގައި ކުރެއްވި ޕޯސްޓެއްގައި ވިދާޅުވީ ފޯމު ހުށަހެޅި މީހުންގެ ތެރެއިން ޝަރުތު ހަމަވީ 372 ކެންޑިޑޭޓުންގެ ކަމަށެވެ. އަދި އޭގެ ތެރެއިން ހަތަރު ކެންޑިޑޭޓަކު ފަހުން ނަން އަނބުރާ ގެންގޮސްފައިވާ ކަމަށެވެ.
ހަބީބް ވިދާޅުވި ގޮތުގައި ނަން އަނބުރާ ގެންދިޔަ ކެންޑިޑޭޓުންގެ ތެރޭގައި، ޑިމޮކްރެޓްސްގެ ފަރާތުން ހިތަދޫ މެދު ދާއިރާއަށް ކުރިމަތިލެއްވި ކެންޑިޑޭޓް ވެސް ހިމެނެ އެވެ. އެއީ ހިތަދޫ މެދު ދާއިރާގެ މިހާރުގެ މެންބަރު އަހްމަދު ރަޝީދެވެ.
އަހުމަދު ރަޝީދު ނަން އަނބުރާ ގެންދިޔަ ސަބަބު އަދި ހާމަކޮށްފައެއް ނުވެއެވެ.
ކުރިޔަށް އޮތް ރައްޔިތުންގެ މަޖިލީހުގެ އިންތިޚާބަށް 368 ކެންޑިޑޭޓުން ވާދަކުރައްވާނެއެވެ. އޭގެތެރެއިން 130 ކެންޑިޑޭޓުން ވާދަކުރައްވަނީ އަމިއްލަގޮތުންނެވެ.
