ސްޕެނިޝް ލީގުގައި އަލަވެޒް އަތުން ރޭ 3-1އިން ބާސެލޯނާ މޮޅުވި މެޗުގައި ޒުވާން ފޯވަޑް ވިޓާރޯކް އަށް ދެއްކި ރަތްކާޑު އިސްތިއުނާފު ކުރާނެ ކަމަށް އެ ކުލަބުން ބުނެފި އެވެ.

ދެ ވަނަ ރީނދޫ ކާޑާއެކު ރޯކްއަށް ރަތްކާޑު ދެއްކީ ކުޅެން ނުކުތްތާ 13 މިނެޓު ތެރޭގަ އެވެ. އޭނާ ކުޅެން ނުކުތީ މެޗުގެ 59 ވަނަ މިނެޓުގަ އެވެ. އަދި 63 ވަނަ މިނެޓުގައި ބާސެލޯނާގެ ތިން ވަނަ ލަނޑު ޖަހައިދިނެވެ. ފުރަތަމަ ރަތްކާޑު ދެއްކި 67 ވަނަ މިނެޓުގަ އެވެ. އެއީ ކުޅުންތެރިންގެ މޫނުމަތީގައި ޖެހިކަމަށް ބަލާފަ އެވެ. އޭގެ ހަތަރު މިނެޓު ފަހުން އޭނާ އަށް ރަތްކާޑު ދެއްކީ ބޯޅަ ހޯދަން އުޅުމުގެ ތެރޭގައި ބޯޅަ ނެތީސް ކުޅުންތެރިއެއްގެ ކަށިމަތީގައި އޭނާގެ ބޫޓުން ޖެހުމުންނެވެ. ރެފްރީ ނިންމީ އެއީ ގަސްތުގައި ޖެހީ ކަމަށެވެ.

މެޗަށް ފަހު ބާސެލޯނާގެ ކޯޗު ޒަވީ ހަނާންޑޭޒް ބުނީ ރެފްރީގެ ނިންމުންތައް ގޯސް ކަމަށެވެ.އ އަދި ރޯކްއަށް ދެއްކި ކާޑުތައް ރަނގަޅު ނޫން ކަމަށާއި ރެފްރީންނަށް ކޮންމެ ހަފުތާއަކުހެން ވާދަވެރި ރެއާލް މެޑްރިޑުން ނުފޫޒު ފޯރުވަމުންދާ ކަމަށެވެ.

މި މެޗާއެކު ބާސެލޯނާ އޮތީ 50 ޕޮއިންޓާއެކު ތިން ވަނާގަ އެވެ. މިއީ 56 ޕޮއިންޓާއެކު ދެވަނާގައިވާ ރެއާލް މެޑްރިޑާއި 57 ޕޮއިންޓާއެކު އެއްވަނާގައިވާ އަލަވޭޒަށްވުރެ އެއް މެޗު އިތުރަށް ކުޅެގެންނެވެ.