ކ. މާލެ
|
3 ފެބްރުއަރީ 2024 | ހޮނިހިރު 09:05
މެޗުގައި ލަނޑު ޖެހުމަށްފަހު ސޮން އުފާ ފާޅުކުރަނީ
މެޗުގައި ލަނޑު ޖެހުމަށްފަހު ސޮން އުފާ ފާޅުކުރަނީ
ރޮއިޓާސް
އޭއެފްސީ އޭޝިއަން ކަޕް
ފަހަތުން އަރައި އޮސްޓްރޭލިއާ ބަލިކޮށް، ކޮރެއާ ސެމީ ފައިނަލަށް
 
ގަދަ 16 ވަނަ ބުރުގައި ސައުދީ އަރަބިޔާއާ ދެކޮޅަށް ކުޅުނު މެޗުންް ވެސް ކޮރެއާ ސަލާމަތްވީ އިތުރު ވަގުތުގައި ޖެހި ލަނޑުން

އޭއެފްސީ އޭޝިއަން ކަޕްގެ ކުއާޓާ ފައިނަލްގަައި އޮސްޓްރޭލިއާ ބަލިކޮށް، ސައުތު ކޮރެއާ މުބާރާތުގެ ސެމީ ފައިނަލުން ޖާގަ ހޯދައިފިއެވެ.

ހުކުރު ދުވަހުގެ ރޭ ކުޅުނު މެޗު ކޮރެއާއިން ކާމިޔާބުކުރީ، އޮސްޓްރޭލިއާއިން ލީޑު ނަގާފައި ވަނިކޮށް، ފަހަތުން އަރައި ދެ ލަނޑު ޖަހައިގެންނެވެ.

މެޗުގައި އޮސްޓްރޭލިއާއިން ލަނޑު ޖަހައި ލީޑު ނެގީ ފުރަތަމަ ހާފުގެ 42 ވަނަ މިނެޓުގައެވެ. އެ ޓީމަށް ލީޑު ނަގައިދިނީ ކްރެއިގް ގުޑްވިންއެވެ. މެޗުން އޮސްޓްރޭލިއާ މޮޅުވާނެ ކަމަށް ބެލެވިފައި ވަނިކޮށް، ކޮރެއާއިން ނަތީޖާ ހަމަހަމަ ކުރީ ފުރިހަމަ ވަގުތު ހަމަވެ، އިތުރަށް ދެއްކި ވަގުތުގައެވެ. އެ ޓީމަށް ލިބުނު ޕެނަލްޓީއެއް ކާމިޔާބުކޮށް، ނަތީޖާ ހަމަހަމަ ކޮށްދިނީ ހްވާން ހީ ޗާން އެވެ. މެޗުގެ ނަތީޖާ ހަމަހަމަ ވުމުން، ދެން ވަނީ އިތުރު ވަގުތުގެ ދެ ހާފު ކުޅެފައެވެ. އޭގެ ތެރެއިން ފުރަތަމަ ހާފުގައި ލަނޑު ޖަހައި، ކޮރެއާ މޮޅުކޮށްދިނީ ކެޕްޓަން ސޮން ހެއުން މިންއެވެ. ސޮން އެ ލަނޑު ޖެހީ ކޮރެއާއަށް ލިބުނު ހިލޭ ޖެހުމެއްގައެވެ.

މުބާރާތުގެ ގަދަ 16 ވަނަ ބުރުގައި ސައުދީ އަރަބިޔާއާ ދެކޮޅަށް ކުޅުނު މެޗުންް ވެސް ކޮރެއާ ސަލާމަތްވީ އިތުރު ވަގުތުގައި ޖެހި ލަނޑުންނެވެ. އެ މެޗުގެ ނަތީޖާ ހަމަހަމަވެ، ނަތީޖާ ނެރުމަށް ޖެހި ޕެނަލްޓީގައި ކޮރެއާއިން ވަނީ ކުރި ހޯދާއެވެ. މުބާރާތުގެ ސެމީ ފައިނަލްގެ ފުރަތަމަ މެޗުގައި ކޮރެއާ ނިކުންނާނީ ޖޯޑަންއާ ދެކޮޅަށެވެ. ކޮރެއާއިން ވަނީ މީގެ ކުރިން ދެ ފަހަރެއްގެ މަތިން މުބާރާތް ކާމިޔާބުކޮށްފައެވެ.

Advertisement
އެންމެ ފަހުން އަޕްޑޭޓް ކުރީ: 4 ދުވަަސް ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
0%
ކޮމެންޓް