ދިވެހިރާއްޖެ އދ. ގެ ޖީ.ޖީ.އައި.އެމް-އޭ.ޕީ. ގެ އެގްޒެކެޓިވް ބޯޑުގެ މެންބަރަކަށް ހޮވިއްޖެ
26 ސެޕްޓެމްބަރު 2025 | ހުކުރު 18:42އދ. ގެ ޖީ.ޖީ.އައި.އެމް-އޭ.ޕީ. ގެ އެގްޒެކެޓިވް ބޯޑުގެ މެންބަރަކަށް އަލްފާޟިލް މުހައްމަދު ޝާފީ ހޮވިވަޑައިގެންފި
މިނިސްޓްރީ އޮފް ފިނޭންސް އެންޑް ޕްލޭނިންގެ ޖިއޯމެޓިކްސް ޑިޕާޓްމަންޓްގެ ޑިރެކްޓަރު ޖެނެރަލް، މުހައްމަދު ޝާފީ
މިނިސްޓްރީ އޮފް ފިނޭންސް އެންޑް ޕްލޭނިންގެ ޖިއޯމެޓިކްސް ޑިޕާޓްމަންޓްގެ ޑިރެކްޓަރ ޖެނެރަލް، މުހައްމަދު ޝާފީ، އދ ގެ ކޮމިޓީ އޮފް އެކްސްޕަރޓްސް އޮން ގްލޯބަލް ޖިއޯސްޕޭޝަލް އިންފޮމޭޝަމް މެނޭޖްމަންޓް ފޯރ އޭޝިއާ އެންޑް ދަ ޕެސިފިކް (ޔޫއެން-ޖީ.ޖީ.އައި.އެމް-އޭ.ޕީ.) ގެ އެގްޒެކެޓިވް ބޯޑުގެ މެންބަރަކަށް ހޮވިވަޑައިގެންފިއެވެ.
މި މަޤާމަށް ޝާފީ ހޮވިވަޑައިގެންފައިވަނީ ދެކުނު ކޮރެއާގައި ހުކުރު ދުވަހު ބޭއްވުނު ޔޫއެން-ޖީ.ޖީ.އައި.އެމް.އޭ.ޕީ. ގެ 14 ވަނަ ޕްލިނަރީ ބައްދަލުވުމުގައެވެ.
ކޮމިޓީގެ މެންބަރުންގެ އިއްތިފާޤުން، 2025-2028 ވަނަ އަހަރުގެ ދައުރަށް ޝާފީ ހޮވިވަޑައިގެންފައިވަނީ އާމީނިއާ، އޮސްޓްރޭލިއާ، ފިޖީ، އީރާން، ޖަޕާން، މެލޭޝިއާ، މޮންގޯލިއާ، ޕާކިސްތާން، ރަޝިއާ އަދި ޓޮންގާގެ މަންދޫބުންނާއެކުގައެވެ.
މިއީ ދިވެހިރާއްޖެއިން އދ. ގެ ޖީ.ޖީ.އައި.އެމް-އޭ.ޕީ. ގެ އެގްޒެކެޓިވް ބޯޑުގެ މެންބަރުކަން އަދާކުރާ ފުރަތަމަ ފަހަރެވެ. މި މަޤާމާއެކު، ޖިއޯސްޕޭޝަލް ދާއިރާގައި ގައުމުތަކުގެ މެދުގައި އެއްބާރުލުން އިތުރުކުރުމަށް ދިވެހިރާއްޖެއިން އިސް ދައުރެއް އަދާކުރުމުގެ ފުރުސަތު ލިބިގެންދާނެއެވެ.
އދ. ގެ ޖީ.ޖީ.އައި.އެމް-އޭ.ޕީ. ގެ އެގްޒެކެޓިވް ބޯޑުގައި ޖުމްލަ 15 މެންބަރުން ހިމެނެއެވެ. މީގެ ތެރޭގައި ދެ ކޯ-ޗެއަރ އަދި ތިން ވައިސް-ޗެއަރ ހިމެނެއެވެ. މި ބޯޑަކީ ކޮމިޓީގެ މަސައްކަތްތައް ރާވައި ހިންގުމުގައި އެންމެ އިސް ދައުރެއް އަދާކުރާ އެއް ކޮމެޓިވެސް މެއެވެ.
އދ. ގެ ޖީ.ޖީ.އައި.އެމް-އޭ.ޕީ. އަކީ އޭޝިއާ އަދި ޕެސިފިކް ސަރަޙައްދުގެ 56 ގައުމު ހިމެނޭ ޖަމްޢިއްޔާއެކެވެ. މި ޖަމްޢިއްޔާއިން ސަރަޙައްދުގެ ޖިއޯސްޕޭޝަލް މަޢުލޫމާތު ތަރައްޤީކޮށް ބެލެހެއްޓުމުގައި އިސް ދައުރެއް އަދާކުރެއެވެ.
