ވިޓާރޯކް ގޯލު ޖަހައި ބާސެލޯނާ ހެއްވާލައިފި

އޮސަސޫނާ ކޮޅަށް ބްރެޒިލްގެ ޒުވާން ފޯވަޑް ވިޓާ ރޯކް ޖެހި ހަމައެކަނި ގޯލުން ބާސެލޯނާ ސަލާމަތްވެއްޖެ އެވެ.

މި މެޗުގައި ގޯލް ޖެހި ރޯކް އަކީ ޖެނުއަރީ މަހު ޓީމާ ގުޅުނު ކުޅުންތެރިއެކެވެ. އޭނާ އަކީ ބާސެލޯނާގެ ފޯވަޑުންގެ މައްސަލަ ހައްލު ކުރުމަށް ބްރެޒިލްގެ އެތްލެޓިކޯއިން ގެނައި 23 އަހަރުގެ ކުޅުންތެރިއަކެވެ. މިއީ އޭނާ ބާސެލޯނާ އަށް ޖަހައިދިން ފުރަތަމަ ގޯލެވެ. މިހާތަނަށް އޭނާ ކުޅުނީ ހަތަރު މެޗެކެވެ. ކަންސެލޯ އަރިމަތިން ނަގައިދިން ހުރަހަކަށް އަރައި ބޮލުން ޖެހި މި ގޯލަށް ފަހު ރޯކް ވަނީ ވަރަށް ބޮޑަށް އުފާފާޅުކޮށްފަ އެވެ.

މިއީ ކޯޗުކަމުން ޒަވީ ހަނާންޑޭޒް މި ސީޒަނަށް ފަހު ވަކިވާނެކަން އިއުލާނުކުރި ފަހުން ބާސެލޯނާ ކުޅުނު ފުރަތަމަ މެޗެވެ. މެޗުގައި ރޮބަޓް ލެވޮންޑޯސްކީ ޖެހި ގޯލު ރެފްރީ ވަނީ ބަލައިނުގެންފަ އެވެ.

މި މޮޅާއެކު ބާސެލޯނާ އޮތީ ސްޕެނިޝް ލީގުގެ ތާވަލުގެ ތިން ވަނާގަ އެވެ. އެއީ 22 މެޗުން 47 ޕޮއިންޓާއެކުގަ އެވެ. މިއީ އެއްވަނާގައިވާ ޖޮރޯނާ އަށް ވުރެ އަށް ޕޮއިންޓް މަދު އަދެކެވެ. އަދި ދެ ވަނާގައިވާ ރެއާލް މެޑްރިޑަށް ވުރެ ހަތް ޕޮއިންޓް މަދު އަދަދެކެވެ.

އޮސަސޫނާ އޮތީ 26 ޕޮއިންޓާއެކު ޓޭބަލުގެ 12 ވަނާގަ އެވެ.