އަހަރެންގެ ކެރިއަރު ގާތްގަނޑަކަށް ނިމިއްޖެ: ތިއާގޯ ސިލްވާ
މިހުރީ ފިޓްކޮށް، އެކަމަކު ކުޅުން ކުރިއަށް ގެންދަން އުމުރުވެސް ތަންދޭންޖެހޭ: ސިލްވާ
ޗެލްސީ އަށް ކުޅެމުން އަންނަ ބްރެޒިލްގެ ތިއާގޯ ސިލްވާ
ޗެލްސީއާ އެކު ހަދާފައިވާ އެގްރީމަންޓް މި ސީޒަނުގެ ނިޔަލަށް ނިމުމާއެކު އޭނާގެ ކެރިއަރު ވެސް ގާތްގަނޑަކަށް ނިމުމަކަށް އަންނާނެ ކަމަށް ޗެލްސީގެ ޑިފެންޑަރު ތިއާގޯ ސިލްވާ ބުނެފި އެވެ.
ބްރެޒިލްގެ ކެޕްޓަންކަން ވެސް ކޮށްފައިވާ ތަޖުރިބާކާރު ޑިފެންޑަރު ބުނީ އޭނާ ޗެލްސީއާއެކު މީގެ ތިން އަހަރު ކުރިން ހެދި ކޮންޓްރެކްޓް ހަމަވުމުން އެ އެގްރީމަންޓް އާކުރުމުގެ ވިސްނުމެއް އަދި ނެތް ކަމަށެވެ.
އޭނާ ބުނީ ޗެލްސީގެ ކޮންޓްރެކްޓް ނިމުނު ނަމަވެސް ފަހަރުގައި އަދި ކެރިއަރު ކުރިއަށް ގެންދިއުން ވެސް އެކަށީގެންވާ ކަމަށެވެ. ނަމަވެސް އެއީ ކޮން ކުލަބެއްގައި ކަމެއް 39 އަހަރުގެ ޑިފެންޑަރު ނުބުނެ އެވެ.
ބްރެޒިލްގެ ގައުމީ ޓީމަށް 113 މެޗު ކުޅެދީ ހަތް ގޯލު ޖަހައިދިން ސިލްވާ ވަނީ އިޓަލީގެ ޔުވެންޓަސް އާއި އޭސީ މިލާން އަދި ފްރާންސްގެ ޕީއެސްޖީ އަށް ވެސް ކުޅެފަ އެވެ.
އޭނާ ވަނީ ޗެލްސީގައި ތިން ފައިނަލްގައި ކުޅެ ތައްޓެއް ނުހޯދިފަ އެވެ. މިކަމާމެދު ސިލްވާ ބުނީ ތަށި ނުލިބުނީ އޭނާ ގޯސްކޮށް ކުޅެގެންނޫން ކަމަށާއި އެއީ މުޅި ޓީމަށް ހެދުނު ގޯސްތަކަކުން ނުލިބުނު ތަށިތަކެއް ކަމަށެވެ.
