"ޕްރެކްޓިސް ޕާލިމެންޓް ފޯރ ވިމެން" ޕްރޮގްރާމުގައި ބައިވެރިވުމުގެ ފުރުޞަތު ހުޅުވާލައިފި
މި ޕްރޮގްރާމް ފަށާފައިވަނީ 2021 ވަނަ އަހަރު
ޕްރެކްޓިސް ޕާލިމެންޓް ފޯރ ވިމެން ޕްރޮގްރާމެއްގެ ތެރެއިން
ރައްޔިތުންގެ މަޖިލީހުގެ މަސައްކަތްތަކަށް އަންހެނުން ތަމްރީނުކުރުކުރުމުގެ ގޮތުން ކުރިއަށްގެންދާ "ޕްރެކްޓިސް ޕާލިމެންޓް ފޯރ ވިމެން" ޕްރޮގްރާމުގައި ބައިވެރިވުމުގެ ފުރުސަތު ހުޅުވާލާފިއެވެ.
ޔޫއެންޑީޕީ މޯލްޑިވްސްއާއި ރައްޔިތުންގެ މަޖިލީހާއި އޮސްޓްރޭލިއަން އެއިޑް އަދި އިޖުތިމާޢީ އަދި ޢާއިލީ ތަރައްޤީއާބެހޭ ވުޒާރާ ގުޅިގެން ހިންގާ މި ޕްރޮގުރާމުގައި ބައިވެރިވުމުގެ ފުރުޞަތު ހުޅުވާލާފައިވަނީ 25 އަހަރުން މަތީގެ އަންހެނުންނަށެވެ. މި ފުރުސަތު ހުޅުވާލާފައި ވަނީ މިމަހުގެ 23 އިން 27 ގެ ނިޔަލަށެވެ. އަދި މި ޕްރޮގުރާމް ބޭއްވުމަށް ހަމަޖެހިފައިވަނީ 18 ފެބްރުއަރީން ފެށިގެން 24 ފެބްރުއަރީއަށް މާލޭގައެވެ.
ޔޫއެންޑީޕީން ބުނީ މި ޕްރޮގުރާމުގައި ބައިވެރިވުމަށް އެދޭ ފަރާތްތަކުގެ ތެރެއިން ބައިވެރިން ހޮވާނީ ބެޗްތަކަކަށް ބަހާލައިގެން ކަމަށެވެ. އެގޮތުން ކޮންމެ ބުރަކުވެސް 40 މީހަކަށް ފުރުޞަތު ދޭނެ ކަމަށާއި ޕްރޮގްރާމަށް ބައިވެރިން ހޮވާއިރު، ސިޔާސީ ޕާޓީތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކާއި އެންޖީއޯތަކުގައި ހަރަކާތްތެރިވެފައިވާ މިންވަރަށް ބަލާނެކަމަށެވެ.
"ޕްރެކްޓިސް ޕާލިމެންޓް ފޯރ ވިމެން" ޕްރޮގްރާމް ފަށާފައިވަނީ 2021 ވަނަ އަހަރެވެ.
